Dinamalar

'பாண்டியன்'ஐ தோல்வியடைய வைத்த 'தேவர் மகன்'

80, 90களில் ரஜினிகாந்த், கமல்ஹாசன் ரசிகர்களுக்கு இடையேதான் கடும் போட்டி. அது இப்போதும் 'விக்ரம், ஜெயிலர்' வசூல் ஆகியவற்றின் மூலமும் தொடர்ந்து கொண்டிருக்கிறது.

80, 90களில் ரஜினி, கமல்ஹாசன் படங்கள் ஒரே நாளில் வெளியானால் அப்போது நடக்கும் சண்டைகள் மிக அதிகமாக இருக்கும். அந்தக் காலத்தில் சமூக வலைத்தளங்கள் இருந்திருந்தால் சந்தி சிரித்திருக்கும். அப்படி அடித்துக் கொள்வார்கள்.

ரஜினிகாந்த் தான் எப்போதுமே வசூலில் கமல்ஹாசனை மிஞ்சுவார் என்பது அந்தக் காலத்தில் எழுதப்படாத ஒரு சட்டம். ஆனால், ரஜினி படத்தையே தோல்வியடைய வைத்து வசூலில் மட்டுமல்லாது மக்கள் மனதிலும் இடம் பிடித்த சம்பவம் 1992ம் ஆண்டு நடந்தது.

அந்த ஆண்டில் தீபாவளி அக்டோபர் 25ம் தேதி வந்தது. அன்றைய தினத்தில் விஜயகாந்த் நடித்த 'காவியத் தலைவன்', ரஜினிகாந்த் நடித்த 'பாண்டியன்', பாக்யராஜ் நடித்த 'ராசுக்குட்டி', பிரபு நடித்த 'செந்தமிழ்ப் பாட்டு', கமல்ஹாசன் நடித்த 'தேவர் மகன்', சத்யராஜ் நடித்த 'திருமதி பழனிச்சாமி' உள்ளிட்ட படங்கள் வெளிவந்தன. இவற்றில் 'காவியத் தலைவன், செந்தமிழ்ப் பாட்டு' மிகச் சுமாராகவே ஓடியது. 'திருமதி பழனிச்சாமி, ராசுக்குட்டி' வெற்றிப் படங்களாக அமைந்தன. 'பாண்டியன்' படம் படுதோல்வியை சந்தித்தது. ஆனால், 'தேவர் மகன்' அனைத்து தரப்பினரின் வரவேற்பைப் பெற்று பெரிய வெற்றிப் படமாகியது.

இன்று வரை 'தேவர் மகன்' படம் தமிழ் சினிமாவின் கிளாசிக் படங்களில் ஒன்றாக இருந்து வருகிறது. மலையாள இயக்குனர் பரதன் இயக்கத்தில், இளையராஜா இசையமைப்பில், கமல்ஹாசன், சிவாஜி கணேசன், கவுதமி, தேவதி, நாசர், வடிவேலு மற்றும் பலர் நடித்திருந்தனர். இன்றுடன் அப்படம் வெளியாகி 31 ஆண்டுகள் ஆகிறது.

இன்றைய நாளில் இதற்கு முன்பு வெளிவந்த படங்களாக 1954ல் 'ரத்தக் கண்ணீர்', 1973ல் 'பூக்காரி, பாக்தாத் பேரழகி, கௌரவம்', ஆகிய படங்களையும் 2008ல் அஜித் நடித்து வெளிவந்த 'ஏகன்', 2019ல் வெளிவந்த 'பிகில், கைதி' ஆகிய படங்களை குறிப்பிட்டுச் சொல்லலாம்.

• 
  என் விளக்கத்தை அக்ஷய் குமார் படித்தால் பிரச்னை முடிவுக்கு வந்துவிடும் ; ...
• 
  உருவ கேலி செய்தவர்களுக்கு ஐஸ்வர்யா ராய் கொடுத்த பதிலடி!
• 
  பாலிவுட்டில் தடம் பதிப்பாரா ஜூனியர் என்டிஆர்
• 
  ஏகப்பட்ட நிபந்தனைகள் விதித்த தீபிகா படுகோனே : வெளியேறவில்லை.. ...
• 
  போலீஸ் பாதுகாப்பை மீறி சல்மான் கான் வீட்டுக்கு செல்ல முயன்ற பெண் கைது

• 
  25வது நாளில் அடியெடுத்து வைத்த 'டூரிஸ்ட் பேமிலி'
• 
  ஹீரோக்களின் உதவியாளர்கள் கதை கேட்பதை முதலில் நிறுத்த வேண்டும் ; ஆர்கே ...
• 
  'அஞ்சலி' படம் பார்த்து அழுத சிலம்பரசன்
• 
  பிரபாஸ் அமைதியானவர் அல்ல, கலகலப்பானவர்! -மாளவிகா மோகனன்
• 
  திரைப்படங்களை திருட்டுப் பதிவிறக்கம் செய்யாதீர்கள்! - நடிகர் சூரி ...