Dinamalar

மோகன்லால் வீட்டிற்கு திடீர் விசிட் அடித்த அஜித்

நடிகர் அஜித் துணிவு படத்தை முடித்துவிட்டு அடுத்ததாக விடாமுயற்சி என்கிற படத்தில் நடிக்க இருக்கிறார். அந்த படம் தொடங்க சற்று காலதாமதமாகி வருவதால் வழக்கம்போல தனது பைக் சுற்றுப்பயணத்தை துவங்கி விட்டார் அஜித். அப்படி சமீபத்தில் ஓமன் நாட்டில் அஜித் பைக் பயணம் மேற்கொண்ட வீடியோக்கள் சோசியல் மீடியாவில் வெளியாகி வருகின்றன. இந்த சுற்றுப்பயணத்தில் அரபு நாடு முழுவதும் பைக்கில் பயணிக்க இருக்கிறார் என்றும் சொல்லப்படுகிறது.

இந்த நிலையில் துபாயில் புர்ஜ் கலிபா பகுதியில் நடிகர் மோகன்லாலுக்கு சொந்தமான பிளாட்டிற்கு விசிட் அடித்த அஜித், அங்கு மோகன்லாலை சந்தித்துள்ளார். பிரபல தொழிலதிபரான சமீர் ஹம்சா என்பவர் இவர்கள் இருவரது சந்திப்பின் பின்னணியில் முக்கிய நபராக இருந்துள்ளார். இது குறித்த வீடியோ ஒன்றையும் அவர் தனது சோசியல் மீடியாவில் பகிர்ந்து கொண்டுள்ளார். இந்த வீடியோ தற்போது வைரலாகி வருகிறது.

நடிகர் மோகன்லாலுடன் இதற்கு முன்பு நடிகர் விஜய் ஜில்லா படத்தில் இணைந்து நடித்திருந்தார். அதேபோன்று மோகன்லாலும் அஜித்தும் ஒரு படத்தில் இணைந்து நடிப்பார்கள் என்று சில வருடங்களுக்கு முன்பு ஒரு முறை பரபரப்பு செய்தி வெளியானது. அஜித் ரசிகர்களின் எதிர்பார்ப்பாகவும் அது இருந்தது. இந்த நிலையில் இவர்கள் இருவரும் ஒன்றாக சந்தித்துள்ளது இரு தரப்பு ரசிகர்களையும் குஷிப்படுத்தி உள்ளது.

• 
  ஸ்ரீதேவி நடித்த 'மாம்' படத்தின் 2ம் பாகம் படப்பிடிப்பு துவங்கியது
• 
  சல்மான்கான் உடன் ரொமான்ஸ் காட்சியில் நடித்த அவரது வளர்ப்பு குதிரை
• 
  சென்சார் போர்டின் இரட்டை நிலைப்பாடு ; தி கேரளா ஸ்டோரி இயக்குனர் ...
• 
  துபாயில் சிக்கிக்கொண்ட பாலிவுட் நடிகை ; உதவி கேட்டு பிரதமருக்கு கோரிக்கை
• 
  நடிப்பு உலகில் அடியெடுத்து வைத்த கிரிக்கெட் நடுவர் அனில் சவுத்ரி

• 
  ஒரே காரில்... ஒரே கலரில்...: ஜோடியாக திருமண நிகழ்ச்சியில் பங்கேற்ற விஜய், ...
• 
  சாரா அர்ஜுனின் வளர்ச்சி பெருமையாக உள்ளது! - சொல்கிறார் இயக்குனர் ...
• 
  விஜய்யின் ஜனநாயகனுக்கு மார்ச் 17ல் சென்சார் சான்றிதழ்!
• 
  லெஜெண்ட் சரவணனின் 'லீடர்' படத்தின் டீசர் வெளியானது!
• 
  சிக்ஸ் பேக் விபரீதமான முயற்சி! - நடிகர் பரத்