Dinamalar

9 ஆண்டுகளுக்குப் பிறகு 100 மில்லியனைக் கடந்த 'துளித் துளி'

யு டியுப் வரலாற்றில் இத்தனை ஆண்டுகளுக்குப் பிறகு ஒரு பாடல் 100 மில்லியன் பார்வைகளைப் பெற்றது இதுதான் முதல் முறையாக இருக்கும். லிங்குசாமி இயக்கத்தில், யுவன்ஷங்கர் ராஜா இசையில், கார்த்தி, தமன்னா மற்றும் பலர் நடித்து 2010ம் ஆண்டு வெளியான படம் 'பையா'.

யுவன், நா முத்துக்குமார் கூட்டணியில் இப்படத்தில் இடம் பெற்ற அனைத்துப் பாடல்களுமே சூப்பர் ஹிட்டான பாடல்கள். 90ஸ் கிட்ஸ்களின் அதிகமான வரவேற்பைப் பெற்ற பாடல்கள் என்றும் சொல்லலாம். இப்படத்தில் ஹரிசரண், தன்விஷா பாடிய 'துளித் துளி' பாடலின் வீடியோ யு டியுபில் 2014ம் வருடம் செப்டம்பர் மாதம் பதிவேற்றப்பட்டது. சுமார் ஒன்பது ஆண்டுகளுக்குப் பிறகு அந்தப் பாடல் தற்போது 100 மில்லியன் பார்வைகளைக் கடந்துள்ளது.

ஒன்பது ஆண்டுகளில் இப்படி ஒரு சாதனை நிகழ்ந்திருப்பது ஆச்சரியமான ஒன்று. யு டியூபைப் பொறுத்தவரையில் தமிழ் சினிமா பாடல்களில் யுவன் இசையமைத்து வெளிவந்த 'மாரி 2' படப் பாடலான 'ரவுடி பேபி' பாடல் 1400 மில்லியன் பார்வைகளைக் கடந்து 1500 மில்லியனை நெருங்கி, அதிகப் பார்வைகளைப் பெற்ற தமிழ் சினிமா பாடல் என முதலிடத்தில் உள்ளது.

யுவனின் இசையில் வெளிவந்த 'என்ஜிகே' படப் பாடலான 'அன்பே பேரன்பே' பாடல் 158 மில்லியன் பார்வைகளுடனும், யுவனின் இசையில் வெளிவந்த 'டிக்கிலோனோ' படப் பாடலான 'பேரு வச்சாலும்' பாடல் 124 மில்லியன் பார்வைகளுடனும் 100 மில்லியன் கிளப்பில் உள்ளன. தற்போது யுவனின் 4வது பாடலாக இந்த 'துளித் துளி' பாடல் அந்த கிளப்பில் இணைந்துள்ளது.

• 
  சன்னி தியோலின் லாகூர் 1947 பட டைட்டில் மாற்றம் ?
• 
  துரந்தர் 2 தெலுங்கு பதிப்பில் இடம் பெறும் ஹிந்தி பாடல்கள்
• 
  துரந்தர் 2 டிரைலர் : 5 மொழிகளில் 65 மில்லியன் பார்வைகள்
• 
  ஆக்ஷன் மோட் ஆன் : துரந்தர் 2 டிரைலர் வெளியானது
• 
  வதந்திகளுக்கு முற்றுப்புள்ளி: 'துரந்தர்- 2' படத்தின் டிரைலர் நாளை ...

• 
  தயாரிப்பாளர் தக்காளி சீனிவாசன் காலமானார்
• 
  போர் சூழலுக்கு மத்தியில் சென்னை திரும்பினார் நடிகர் அஜித்குமார்
• 
  பிரியா பவானி சங்கரை தொடர்ந்து ரவிதேஜா படத்தில் இணைந்த தமன்னா!
• 
  இன்வெஸ்டிகேஷன் திரில்லர் படத்தில் நடிக்கும் குமரன்
• 
  சூப்பர் நேச்சுரல் கிரைம் திரில்லராக உருவாகும் 'மண்டவெட்டி'