Dinamalar

புகழ் படத்தில் அறிமுகமாகும் 3 ஹீரோயின்கள்

யோகி வீர் பிக்சர்ஸ் சார்பில் பி.ராம் தயாரிக்கும் படம் 'துடிக்கிறது மீசை'. எம்.ஜே.இளன் என்ற புதுமுகம் இயக்குகிறார். இந்த படத்தில் குக் வித் கோமாளி புகழ் நாயகனாக நடிக்கிறார். நாயகிகளாக யோகிதா, வர்ஷினி, அக்ஷியா அறிமுகமாகிறார்கள். அசோக்குமார் ஒளிப்பதிவு செய்கிறார், ஸ்ரீகாந்த் தேவா இசை அமைக்கிறார்.

படம் பற்றி இயக்குனர் இளன் கூறியதாவது: காதல் தவறில்லை. ஆனால்,காதலுக்காக வாழ்க்கையை அழித்துக் கொண்டு தங்கள் எதிர்காலத்தை வீணடிப்பதைத் தவறு என்று சொல்கிற கதை இது. காதலுடன் வாழ்க்கை முடிந்து விடுவதில்லை. காதலில் விழுந்து தன்னை அழித்துக் கொள்ளும் இளைஞர்களைப் பற்றி இந்தக் கதை பேசுகிறது. இக்கதை மதுரையிலிருந்து சென்னைக்குப் பயணிக்கிறது. இந்தக் கதையை இக்காலத்திற்கு ஏற்ற வகையில் நாங்கள் காதல், நகைச்சுவை கலந்து சுவாரசியமாகக் கூறவிருக்கிறோம்.

தற்போது புதுமையான திரைக்கதை உள்ள படங்கள் வெற்றி பெற்று வருகின்றன. இது ஒரு நல்ல ஆரோக்கியமான, என்னைப் போன்ற புதியவர்களுக்கு நம்பிக்கை தரும் ஒன்றாக இருக்கிறது. வீரபாண்டிய கட்டபொம்மன் படத்தின் மூலம் புகழ் பெற்ற வசனமான "துடிக்கிறது மீசை " என்பதையே படத்தின் தலைப்பாக வைத்துள்ளோம். இத்தலைப்பு கோபத்தைக் குறியீடாகச் சொல்கிறது. என்கிறார் இயக்குனர் இளன்.

• 
  ரூ.600 கோடி கிளப்பில் இணைந்த அனிமல் படம்!
• 
  ஹாலிவுட்டுக்கு செல்லும் அட்லியின் ஜவான்!
• 
  பைட்டர் டீசரில் பிகினி, லிப்லாக்கில் தீபிகா படுகோனே
• 
  அமிதாப் குடும்பத்தின் அடுத்த வாரிசு…
• 
  பாலிவுட் நடிகர் ஜூனியர் மெஹ்மூத் காலமானார்

• 
  பாலிவுட்டை திரும்பிப் பார்க்க வைத்த நயன்தாரா, ராஷ்மிகா
• 
  5 மொழிகளில் சொந்தக் குரலில் பேசிய பிருத்விராஜ்
• 
  த்ரிஷா தானே வழக்கு தொடர்ந்திருக்க வேண்டும் : மன்சூர் அலிகானுக்கு கோர்ட் ...
• 
  இயக்குனராக தனுஷின் அடுத்த படத்தின் படப்பிடிப்பு இன்று துவங்கியது
• 
  தெலுங்கில் மூத்த நடிகர்களுக்கு ஜோடியாகும் த்ரிஷா