Dinamalar

நம்மகிட்ட பேச்சு கிடையாது வீச்சு மட்டும் தான்.... - ரஜினியின் ‛ஜெயிலர்' டிரைலர் வெளியீடு

நெல்சன் இயக்கத்தில் ரஜினி நடித்துள்ள படம் ‛ஜெயிலர்'. அவருடன் ரம்யா கிருஷ்ணன், மிர்ணா, தமன்னா, ஜாக்கி ஷெராப், சுனில் உள்ளிட்டோருடன் சிறப்பு தோற்றத்தில் மோகன்லால், சிவராஜ் குமார் ஆகியோர் நடித்துள்ளனர். அனிருத் இசையமைத்துள்ளார். சமீபத்தில் இந்த படத்தின் பாடல்கள் வெளியாகி வரவேற்பை பெற்றுள்ளன. ஆக., 10ல் திரைக்கு வரும் இந்த படத்தின் டிரைலரை 'ஷோகேஸ்' என்ற புதிய பெயரில் வெளியிட்டனர்.

2:15 நிமிடங்கள் ஓடும் இந்த டிரைலரில் ரஜினி சற்று வயது முதிர்ந்த, டைகர் முத்துவேல் பாண்டியன் என்ற தோற்றத்தில் வருகிறார். பூனை போன்று சாந்தமாகவும், புலி போன்று ஆக் ஷனிலும் இரண்டு விதமாக ரஜினி அசத்தி உள்ளார். பூனை போன்று அமைதியாக இருக்கும் ரஜினியை பார்க்கும்போது இவரை போன்று சாந்தமான மனிதர் உண்டா என்கிற ரீதியில் அவர் உள்ளார். அதேசமயம் புலியாக மாறினால் ஆக்ஷனில் எந்தளவுக்கு எதிரிகளை கொல்லுவார் என்பதையும் இந்த டிரைலரில் காண முடிகிறது.

‛‛ஒரு அளவுக்கு மேல நம்மகிட்ட பேச்சு கிடையாது வீச்சு மட்டும் தான்.... ரொம்ப தூரம் போயிட்டேன் புல்லா முடிச்சுட்டு தான் திரும்ப வருவேன்...'' ஆகிய வசனங்கள் டிரைலரில் இடம்பெற்றுள்ளன. ரசிகர்களை கவர்ந்துள்ள இந்த டிரைலர் வெளியான அரைமணிநேரத்தில் 10 லட்சத்திற்கும் அதிகமான பார்வைகளை பெற்று டிரெண்ட் ஆனது.

• 
  மீண்டும் ஹிந்தி படத்தில் கமிட்டான ராஷி கண்ணா
• 
  ஜூனியர் என்டிஆர் உடன் நடித்தது ஒரு கற்றல் அனுபவம் : சொல்கிறார் ஹிருத்திக் ...
• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு

• 
  தேசிய விருது : தேர்வு குழுவிற்கு நடிகை ஊர்வசி கேள்வி
• 
  மீரா மிதுனை கைது செய்து ஆஜர்படுத்த நீதிமன்றம் உத்தரவு
• 
  ரஜினிக்கும், தனது தந்தைக்கும் உள்ள ஒற்றுமையை கூறிய லோகேஷ்
• 
  குடும்பத்துடன் திருப்பதியில் சாமி தரிசனம் செய்த சூர்யா
• 
  துல்கர் சல்மானின் 41வது படத்தை துவக்கி வைத்த நானி