Dinamalar

இளைய நடிகர்கள் இன்றி தடுமாறும் தமிழ் சினிமா

முன்பெல்லாம் வருடத்திற்கு 10 கல்லூரி படங்கள், இளம் வயது ஹீரோ படங்கள் வரும். ஆனால் தற்போது கல்லூரி படங்களே வருவதில்லை. காரணம் இளைய நடிகர்கள் அதிகம் இங்கு இல்லை. அப்படியே வந்தாலும் அவர்களால் சினிமாவில் தொடர்ந்து தாக்கு பிடிக்கவில்லை. இனி தனுஷ், சிம்பு ஆகியோரை கல்லூரி மாணவர்களாக காட்ட முடியாது.

விக்ரமின் மகன் துருவ்வை எதிர்பார்த்தார்கள். ஆதித்ய வர்மாவில் அறிமுகமாகி இந்த 4 ஆண்டுகளில் வெறும் 3 படங்களில் மட்டுமே நடித்தார். ஆனால் தனி இசை ஆல்பங்களில் அதிகம் ஆர்வம் காட்டினார். இப்போது உள்ள ரேஸில் ஹரிஷ் கல்யாண், அர்ஜுன் தாஸ், அதர்வா, கவுதம் கார்த்திக் போன்ற விரல் விட்டு எண்ணக் கூடிய நடிகர்கள் மட்டுமே உள்ளனர்.

டாடா படம் தந்த வெற்றியால் ஓரளவுக்கு கவனிக்கப்படும் நடிகராகி உள்ளார் கவின். ஆனால் அவர் கேட்கும் சம்பளத்தை கேட்டு சில சிறு பட்ஜெட் தயாரிப்பாளர்கள் அவர் பக்கம் செல்ல தயங்குகின்றனர். அவரை அடுத்து மணிகண்டன் கவனிக்கப்படும் நடிகராக வலம் வருகிறார். இவர் வசனகர்த்தவாகவும் இருப்பதால் வரும் கதைகளில் எல்லாம் நடிக்காமல் பார்த்து பார்த்து கதைகளை தேர்வு செய்து நடிக்கிறார். ஜெய்பீம் தந்த அடையாளத்திற்கு பின் சமீபத்தில் வெளிவந்த குட் நைட் படமும் அவருக்கு வரவேற்பை பெற்று தந்துள்ளது. இருப்பினும் சம்பள விஷயத்தால் இவரை தயாரிப்பாளர்கள் அணுக தயங்குகின்றனர்.

உண்மையாகவே தற்போது தமிழ் சினிமாவில் இளம் ஹரோக்கள் பஞ்சம் உள்ளது . விஜய் டிவி புகழ் அஸ்வின், முகேன் போன்றவர்கள் இப்போது தான் வர துவங்கி உள்ளனர். வனிதாவின் மகன், இசை அமைப்பாளர் சிற்பி மகன், இயக்குனர் விக்ரமன் மகன் என்று இனி அடுத்தடுத்த தலைமுறை இளம் நடிகர்கள் சினிமாவில் முயற்சி வருவதால் வரும் காலங்களில் இளம் நடிகர்கள் படம் அதிகம் வர வாய்ப்பு உள்ளது.

• 
  என்டிஆர், நீல் படத்தில் இணைந்த பிரபல பாலிவுட் நடிகர்!
• 
  மகளுக்கு பெயர் சூட்டிய கியாரா அத்வானி - சித்தார்த் மல்கோத்ரா தம்பதி!
• 
  ஹிந்தியில் வரவேற்பைப் பெறும் 'தேரே இஷ்க் மெய்ன்'
• 
  பாலிவுட் நடிகருக்கு ஜோடியாகும் மீனாட்சி சவுத்ரி
• 
  நிரப்ப முடியாத வெற்றிடம் : கணவர் தர்மேந்திரா மறைவு குறித்து ஹேமமாலினி ...

• 
  சித்தார்த் அப்படிப்பட்டவர் இல்லை! - கார்த்திக் ஜி கிரிஷ்
• 
  மலையாளத்தில் அறிமுகமாகும் துஷாரா விஜயன்!
• 
  குந்தனை நினைவுக்கூர்ந்த தனுஷ்
• 
  திரையுலக பயணம் 33 ஆண்டுகள் நிறைவு: டிச.4ல் வெளியாகிறது 'ஜனநாயகன்' ...
• 
  'பராசக்தி' படத்தின் டப்பிங்கை தொடங்கிய சிவகார்த்திகேயன்!