Dinamalar

விஜய்யின் குரல், துள்ளல் நடனம்.... வெளியானது ‛நா ரெடி தான் வரவா....' பாடல்

லோகேஷ் கனகராஜ் இயக்கத்தில், அனிருத் இசையமைப்பில், விஜய், த்ரிஷா, சஞ்சய் தத் மற்றும் பலர் நடிக்கும் படம் 'லியோ'. அக்டோபரில் இப்படம் வெளியாக உள்ளது. இன்று(ஜூன் 22) விஜய்யின் பிறந்தநாளை முன்னிட்டு நேற்று நள்ளிரவு இந்த படத்தின் புதிய போஸ்டரை வெளியிட்டனர். அதில் பனிமலை பின்னணியில் விஜய் ஆவேசத்துடன் சுத்தியலால் யாரையோ அடித்துத் தாக்குவதும், அருகே ஓநாய் ஒன்றும் கடும் கோபத்துடன் இருப்பது போன்று அந்த போஸ்டரை வடிவமைத்து இருந்தனர்.

முன்னதாக இரு தினங்களுக்கு முன் இந்த படத்தின் முதல் சிங்கிளான 'நா ரெடி' பாடலின் முன்னோட்டத்தை வெளியிட்டனர். “நா ரெடி தா வரவா, அண்ணன் நா எறங்கி வரவா… என்ற அந்த நான்கு வரிகளிலேயே அரசியல் கலந்த வரிகளாக இருந்து பாடல் மீதான எதிர்பார்ப்பை தூண்டியது. இந்நிலையில் இன்று மாலை 6:30 மணியளவில் இப்படத்தின் முதல் சிங்கிளான 'நா ரெடி' பாடலை வெளியிட்டனர். 4:14 நிமிடங்கள் ஒலிக்கும் இந்த பாடலை விஷ்ணு எழுத நடிகர் விஜய்யே பாடி உள்ளார். அவருடன் அனிருத் மற்றும் பிக்பாஸ் அசல் கோலாரும் இடையிடையே குரல் கொடுத்துள்ளார்.

துள்ளல் பாடலாக வெளியாகி உள்ள இதில் விஜய் உடன் நூற்றுக்கணக்கான நடன கலைஞர்களும் ஆடி உள்ளனர். நடிகர் விஜய் எதிர்காலத்தில் அரசியலுக்கு வர உள்ள நிலையில் அதை வெளிப்படுத்தும் விதமான பாடல் வரிகள் அமைந்துள்ளன. அதோடு சரக்கு, அசைவ உணவு தொடர்பான வரிகளும் கலந்து கட்டி கொண்டாட்ட பாடலாக வெளியிட்டுள்ளனர்.

பாடல் வெளியான 15 நிமிடத்திலேயே 10 லட்சத்திற்கும் அதிகமான பார்வைகளையும், 3.60 லட்சத்திற்கும் அதிகமான லைக்ஸ்களையும் பெற்றது.

• 
  கங்கனாவின் எமர்ஜென்சி செப்., 6ல் ரிலீஸ்
• 
  நாய்களுக்கு 45 கோடி ஒதுக்கிய மிதுன் சக்ரவர்த்தி
• 
  செவி திறனை இழந்த பாடகி
• 
  எளிமையாக நடந்த சோனாக்ஷி சின்ஹா திருமணம்
• 
  நயன்தாராவை தொடர்ந்து ஷாருக்கானுக்கு ஜோடியாகும் சமந்தா!

• 
  4 வருடம் காத்திருந்து தன்மீதே நம்பிக்கை வந்ததும் நடிக்க சம்மதித்த ...
• 
  நாகார்ஜூனாவை தொடர்ந்து தனுஷின் பாடிகார்டும் ரசிகரை தள்ளிவிட்டார்
• 
  106 வயது 'இந்தியன்' தாத்தா : இயக்குனர் ஷங்கர் விளக்கம்
• 
  புஜ்ஜியை தேடி வந்த காந்தாரா நாயகன்
• 
  மழை பிடிக்காத மனிதனுக்கு 'யுஏ' சான்று