உடல் எடை குறித்து முதல் முறையாக பேசிய ரோபோ சங்கர்!

12 ஜூன், 2023 - 05:58 IST

0 கருத்துகள் கருத்தைப் பதிவு செய்ய

எழுத்தின் அளவு:

தொலைகாட்சியில் மிமிக்ரி கலைஞராக புகழ் பெற்று அதை தொடர்ந்து சினிமாவிலும் தன் திறமைகளை வெளிப்படுத்தி வருபவர் நடிகர் ரோபோ சங்கர். இவர் தனுஷ், சிவகார்த்திகேயன், அஜித், சிம்பு போன்ற முன்னணி நடிகர்களின் படங்களில் நடித்துள்ளார். அதேபோல் தொலைகாட்சி காமெடி நிகழ்ச்சிகளில் நடுவராக பங்கேற்று வந்தவர்.

சில மாதங்களுக்கு முன்பு அவரது உடல் மிகவும் மெலிந்து காணப்பட்ட வீடியோ இணையத்தில் வைரலாகி ரசிகர்களை அதிர்ச்சிக்கு உள்ளாக்கியது. அந்த சமயத்தில் ரோபோ சங்கருக்கு மஞ்சள் காமாலை என்றும், அவர் எழுந்து நிற்கவே சிரமப்படுகிறார் என்றும் தகவல்கள் வெளியானதை தொடர்ந்து அதற்கு அவரது மனைவி அவர் ஆரோக்கியமாக இருப்பதாகவும், படத்திற்காக அவர் உடல் எடையை குறைத்ததாகவும் தெரிவித்திருந்தார்.

இந்த நிலையில் தனது உடல் எடை குறைந்தது குறித்து முதல் முறையாக டிவி ஒன்றிற்கு பேட்டி அளித்துள்ளார் ரோபோ சங்கர். அதன்படி, "நான் உடல் எடையை குறைப்பதற்காக டயட்டில் இருந்த போது எனக்கு மஞ்சள் காமாலை நோய் பாதிப்பு ஏற்பட்டது. அதனால் எனக்கு உடல் எடை வேகமாக குறைந்துவிட்டது. நல்ல வேளை சரியான சமயத்தில் நான் நல்ல மருத்துவர்களிடம் சென்றதால் அவர்கள் என்னை நன்றாக கவனித்து குணப்படுத்தினர் . என்னுடைய மனைவியும், குழந்தைகளும் தான் அந்த கடினமான நேரத்தில் எனக்கு உறுதுணையாக இருந்தனர். அதனால் தான் விரைவில் நான் குணமாகி வர முடிந்தது" என்றார் ரோபோ சங்கர்.

Roboshankar

கருத்துகள் (0) கருத்தைப் பதிவு செய்ய

கேரள ஸ்டோரி இயக்குனரின் அடுத்த ...

ஹிட்லர் ஆக மாறும் விஜய் ஆண்டனி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய