Dinamalar

விஜய்யின் மாஸ்டர் படம் - சாந்தனு வருத்தம்

விஜய் நடித்த 'மாஸ்டர்' படத்தை லோகேஷ் கனகராஜ் இயக்கி இருந்தார். இந்த படத்தில் சாந்தனு விஜய்யின் மாணவராக சிறிய கேரக்டரில் நடித்திருந்தார். இந்த படத்தில் நடித்தது தப்பான முடிவு என்று சாந்தனு கூறியுள்ளார். இது குறித்து அவர் ஒரு நேர்காணலில் கூறியிருப்பதாவது:
'மாஸ்டர்' படத்திற்கு பிறகு எனது கேரியரே மாறும் ன்றார்கள், நானும் நம்பினேன். படத்தில் எனக்கு சண்டைக்காட்சிகள், என் கதாபத்திரம் மாறுவது, காதல் டிராக் என அனைத்து இருந்தது. கிட்டத்தட்ட 30 நாட்கள் கால்ஷீட் கொடுத்து நடித்தேன். எங்களுக்கு என்று தனி யூனிட் எல்லாம் கொடுத்திருந்தார்கள்.

ஆனால் என் உழைப்பு திரையில் வரவில்லை. விஜய் அண்ணாவும் எனக்குப் பிடிக்கும். அவர் படத்தில் கிட்டத்தட்ட 30 நிமிடங்கள் வரக்கூடிய அளவுக்கு நல்ல கதாபாத்திரம் என்றால் யார் விடுவார்கள்? அதனால்தான் ஒத்துக் கொண்டேன். ஆனால் வெறும் 12 நிமிடங்கள் மட்டுமே படத்தில் என் காட்சி இடம்பெற்று இருந்தது. இதனால், பல கேலிகளுக்கு ஆளானேன். என்று கூறியிருந்தார். இந்த பேட்டி வீடியோ வைரலானது. விஜய் ரசிகர்கள் சாந்தனுவை சரமாரியாக விமர்சித்தனர்.

இந்த நிலையில் இதற்கு விளக்கம் அளித்து சாந்தனு தனது டுவிட்டரில் "வருத்தப்பட்டது உண்மைதான். விமர்சனம் எதிர்கொண்டது உண்மைதான். ஆனால், அதற்காக நான் யாரையும் குறை சொல்லவில்லை. இந்த வீடியோவின் சிறுபகுதி மட்டும் பார்ப்பது நான் சொன்ன விஷயத்தை திசை திருப்பி விடும். எல்லா சரியான தேர்வுகளும் எதிர்பார்த்தபடி நல்ல முடிவுகளைத் தருவதில்லை. ஆனால், இதுவும் எனக்கு ஒரு கற்றல்தான், மறக்க முடியாத அனுபவம்தான்" என குறிப்பிட்டுள்ளார்.

• 
  ‛பார்டர் 2'வில் தில்ஜித் தோசன்ஜ் முதல் பார்வை வெளியீடு
• 
  75 கோடி வசூல் கடந்த தனுஷின் 'தேரே இஷ்க் மெய்ன்'
• 
  காந்தாரா கிண்டல்: மன்னிப்பு கேட்ட ரன்வீர் சிங்
• 
  விஜய் பட இயக்குனர் உடன் இணையும் சல்மான்
• 
  பிரபல பாலிவுட் இயக்குனரின் வாழ்க்கை வரலாறு படத்தில் நடிக்கும் தமன்னா

• 
  சனாதன தர்மம் இளைஞர்களிடம் போய் சேரணும் : சென்னையில் நடிகர் பாலகிருஷ்ணா ...
• 
  ஜெயிலர் 2 படப்பிடிப்பில் இணைந்த மோகன்லால்
• 
  கல்கி 2898 ஏடி 2 படம் : தீபிகாவிற்கு பதில் பிரியங்கா சோப்ரா
• 
  மீண்டும் சுதா இயக்கத்தில் நடிக்கும் சிவகார்த்திகேயன்
• 
  ஐஸ்வர்யா ராஜேஷ் நடிக்கும் புதிய படம் ஓ சுகுமாரி