Dinamalar

தயாரிப்பாளர் எதிர்ப்பு, மாற்றப்பட்ட 'விக்ரம் வேதா' தலைப்பு

தமிழ் சினிமாவில் வெளிவந்த பல வெற்றிப் படங்களின், முக்கியமான படங்களின் தலைப்புகளை டிவி தொடர்களுக்கு பல காலமாய் வைத்து வருகிறார்கள். சினிமாவில் ஒரு தலைப்பை மற்றொருவர் பயன்படுத்த முடியாது. அதற்கனெ இருக்கும் சங்கங்களில் முறையாகப் பதிவு செய்ய வேண்டும். வருடா வருடம் அவற்றை புதுப்பிக்க வேண்டும் என பல நடைமுறைகள் உள்ளன.

ஆனால், பிரபலமான படங்களின் தலைப்புகளை டிவி தொடர்களுக்கு வைக்க அவை சம்பந்தப்பட்ட தயாரிப்பு நிறுவனங்களோ, அத்தொடர்களை ஒளிபரப்பும் டிவி நிறுவனங்களோ முறையான அனுமதியைப் பெறுவதில்லை. இதுவரையிலும் அதை யாரும் கண்டு கொண்டதுமில்லை.

இந்நிலையில் விஜய் டிவியில் 'விக்ரம் வேதா' என்ற புதிய தொடர் ஒன்று ஒளிபரப்பாக உள்ளதாக அறிவிப்பு வெளியானது. உடனடியாக அப்படத்தின் தயாரிப்பாளர் சசிகாந்த் சம்பந்தப்பட்ட நிறுவனத்திற்கு உடனடியாக சட்டபூர்வ நடவடிக்கை எடுப்பேன் என நோட்டீஸ் அனுப்பினார். அதைத் தொடர்ந்து அத் தொடரின் பெயரை 'மோதலும் காதலும், விக்ரம் வேதாவின் காதல் கதை' என மாற்றிவிட்டார்கள்.

சசிகாந்த் தயாரிப்பில், புஷ்கர் காயத்ரி இயக்கத்தில், மாதவன், விஜய் சேதுபதி மற்றும் பலர் நடித்து 2017ம் ஆண்டில் வெளிவந்து பெரும் வரவேற்பையும், வெற்றியையும் பெற்ற படம் 'விக்ரம் வேதா'.

இனி, யாராவது டிவி தொடர்களுக்கு பிரபலமான திரைப்படங்களின் பெயர்களை வைத்தால் அப்படங்களைத் தயாரித்த தயாரிப்பாளர்கள் இது போன்று நடவடிக்கை எடுக்க வேண்டும் என மூத்த தயாரிப்பாளர் ஒருவர் நம்மிடம் தெரிவித்தார்.

• 
  ஆஸ்கர் விருது வரை சென்ற 'லபாட்டா லேடீஸ்' படம் கதை காப்பி சர்ச்சையில் ...
• 
  சினிமா ஆனது இந்தியாவின் முதல் மகாத்மாவின் வாழ்க்கை
• 
  பழம்பெரும் ஹிந்தி நடிகர் மனோஜ் குமார் காலமானார்
• 
  முதல் கடார் என் சினிமாவை மூடியது... இண்டாவது கடார் திறந்து வைத்தது : சன்னி ...
• 
  'ரெய்டு 2' படத்தில் சிறப்பு பாடலில் தமன்னா!

• 
  சின்னத்திரை காமெடி நடிகை ஷர்மிளா மீது பாஸ்போர்ட் மோசடி வழக்கு பதிவு
• 
  நீரும் நெருப்பும், அந்நியன், பிகில் - ஞாயிறு திரைப்படங்கள்
• 
  அந்தரங்க வீடியோ என வைரல் : ஸ்ருதி நாராயணன் காட்டமான பதில்
• 
  சபாபதி, சந்திரமுகி, கல்கி 2898 ஏடி- ஞாயிறு திரைப்படங்கள்
• 
  வள்ளியின் வேலன் தொடரில் கவர்னர் வேடத்தில் இனியா