Dinamalar

'காசேதான் கடவுளடா' வெளியீடு தள்ளி வைப்பு

ஏவிஎம் தயாரிப்பில், சித்ராலயா கோபு இயக்கத்தில் முத்துராமன், லட்சுமி, மனோரமா, தேங்காய் சீனிவாசன் மற்றும் பலர் நடித்து 1972ம் ஆண்டு வெளிவந்து பெரும் வெற்றி பெற்ற படம் 'காசேதான் கடவுளடா'.

அப்படத்தை இயக்குனர் கண்ணன் மீண்டும் ரீமேக் செய்து அதே பெயரில் இயக்கியிருந்தார். மிர்ச்சி சிவா, யோகி பாபு, பிரியா ஆனந்த், ஊர்வசி மற்றும் பலர் நடித்த அந்தப் படம் நேற்று வெளியாவதாக அறிவிக்கப்பட்டிருந்தது. ஆனால், படம் திட்டமிட்டபடி வெளியாகவில்லை. முதலில் காலை காட்சிகள் ரத்தானது. அடுத்த காட்சிகளுக்காவது படம் வெளியாகும் என்று எதிர்பார்த்தார்கள். இருப்பினும் படம் வெளியாகவில்லை.

இந்நிலையில் பட வெளியீட்டை தள்ளி வைத்துள்ளதாக அறிவித்துள்ளார்கள். படம் அடுத்து எப்போது வெளியாகும் என்பதை விரைவில் அறிவிக்க உள்ளார்கள். ஒரு அருமையான கிளாசிக் படத்தை ரீமேக் செய்கிறேன் என எடுத்து அதை திட்டமிட்டபடி வெளியிடக் கூட முடியாமல் போவது அந்த கிளாசிக் படத்திற்கான அவமரியாதை என்றுதான் சொல்ல வேண்டும். இனி, இப்படி எல்லாம் பழைய படங்களை ரீமேக் செய்து அதன் பெருமையைக் கெடுக்காதீர்கள் என ரசிகர்கள் கவலைப்படுகிறார்கள்.

• 
  தீபிகாவிற்கு கிடைத்த கவுரவம் : 2026 ‛‛ஹாலிவுட் வாக் ஆப் பேம்'' -விற்கு ...
• 
  வார் 2 : ஹிருத்திக் ரோஷன், ஜூனியர் என்டிஆர் இடையே நடன போட்டி?
• 
  நேரடியாக ஓடிடியில் வெளியாகும் பிரித்விராஜின் ஹிந்தி படம்
• 
  மனைவியின் பிரிவால் ஒன்றரை ஆண்டு தினந்தோறும் குடித்தேன் : அமீர்கான்
• 
  என் தந்தைக்கு புல் மீல்ஸ்... எனக்கு ஒரு ஸ்பூன் சாதம் : சல்மான்கான் சொன்ன ...

• 
  சீதா மாதாவின் ஆசீர்வாதம் : சாய் பல்லவி மகிழ்ச்சி
• 
  பாலிவுட்டில் தென்னிந்திய நடிகர்களுக்கு மரியாதை இல்லையா : பிரியாமணி பதில்
• 
  'பாபநாசம்' படத்தில் என் முதல் சாய்ஸ் ரஜினிதான்: ஜீத்து ஜோசப் பகிர்ந்த ...
• 
  தனுஷூக்கு ஜோடியாகும் பூஜா ஹெக்டே!
• 
  அஜித் பட ஹீரோயின் யார்