Dinamalar

போர் படப்பிடிப்பை முடித்த காளிதாஸ் - அர்ஜுன் தாஸ்

பத்து ஆண்டுகளுக்கு முன்பு விக்ரம், ஜீவா இருவரையும் இணைத்து 'டேவிட்' என்கிற படத்தை இயக்கியவர் பிஜாய் நம்பியார். மணிரத்னத்தின் சிஷ்யரான இவர் பின்னர் துல்கர் சல்மானை வைத்து சோலோ என்கிற ஆந்தாலஜி படத்தை இயக்கினார். தொடர்ந்து ஹிந்தியில் சில படங்களை இயக்கிய இவர் இரண்டு ஆண்டுகளுக்கு முன்பு மணிரத்னம் தயாரிப்பில் வெளியான நவரசா என்கிற ஆந்தாலஜி படத்தில் ஒரு குறும்படத்தை இயக்கியிருந்தார். இந்த நிலையில் தற்போது அவர் ஹிந்தி மற்றும் தமிழில் இருமொழி படமாக உருவாகி வரும் போர் என்கிற படத்தை இயக்கி வருகிறார்.

இந்த படத்தின் தமிழ் பதிப்பில் காளிதாஸ் ஜெயராம் மற்றும் அர்ஜுன் தாஸ் இருவரும் நடிக்க, இதன் ஹிந்தி பதிப்பாக உருவாகும் டாங்கே படத்தில் இதே கதாபாத்திரங்களில் ஹர்ஷவர்தன் ராணே மற்றும் ஈஹான் பட் ஆகியோர் நடிக்கின்றனர். இரண்டு மொழிகளிலும் ஒரே நேரத்தில் நடைபெற்று வந்த இந்த படத்தின் படப்பிடிப்பு தற்போது முடிவடைந்துள்ளது. படப்பிடிப்பு நிறைவு நாள் கொண்டாட்டத்தின் போது எடுக்கப்பட்ட புகைப்படங்களை காளிதாஸ் ஜெயராமும் அர்ஜுன் தாஸும் தங்களது சோசியல் மீடியா பக்கத்தில் பகிர்ந்து கொண்டுள்ளனர்.

• 
  ஹிந்தியில் மீண்டும் தடம் பதிப்பாரா தனுஷ்?
• 
  சினிமா டூ அரசியல் : பாலிவுட்டின் ‛ஹீ மேன்' தர்மேந்திராவின் வாழ்க்கை ...
• 
  ஹிந்தி நடிகர் தர்மேந்திரா காலமானார்
• 
  4 வருடங்களுக்கு பிறகு வெளியானது 'பேமிலி மேன் 3'
• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...

• 
  இன்னும் 50 நாள் : பராசக்தி புதிய போஸ்டர் வெளியீடு
• 
  ஆர்யன் படம் வருகிற 28-ல் நெட்பிளிக்சில் வெளியாகிறது
• 
  ஜாய் கிறிஸ்டில்லாவுக்கு எதிராக மாதம்பட்டி ரங்கராஜ் தொடுத்த வழக்கை ...
• 
  சிம்பு கதையில் ரஜினியா...
• 
  ஆண் பாவத்திற்கு பொல்லாதது பின் தமிழ் சினிமா நிலைமை பாவம்