மீண்டும் படம் தயாரிக்கிறார் கோவை தம்பி

18 பிப், 2013 - 01:34 IST

0 கருத்துகள் கருத்தைப் பதிவு செய்ய

எழுத்தின் அளவு:

ஒரு காலத்தில் வெள்ளிவிழா தயாரிப்பாளர் என்று புகழ்பெற்றவர் கோவைத் தம்பி. மதர்லேண்ட் பிக்சர்ஸ் படம் என்றாலே விநியோகஸ்தர்கள் கண்ணை மூடிக்கொண்டு படத்தை வாங்குவார்கள். இதயகோவில், உதயகீதம், பயணங்கள் முடிவதில்லை, செம்பருத்தி உள்பட இவர் தயாரித்த அத்தனை படங்களுமே சூப்பர் டூப்பர் ஹிட். டிரண்ட் மாறியதும் படத் தயாரிப்பை கைவிட்டார். நீண்ட இடைவெளிக்கு பிறகு சாய்மீரா நிறுவனம் அனுபவம் மிக்க தயாரிப்பாளர்கள் பத்துபேர் மீண்டும் படம் தயாரிக்க உதவி செய்தது. அதில் இவர் "ஏன் இப்படி மயக்கினாய்" என்ற படத்தை தயாரித்தார். அதில்தான் காயத்ரி அறிமுகமானார். அஜீத் மச்சான் ரிச்சர்ட் ஹீரோ. கிருஷ்ணா இயக்கினார். அந்தப் படம் பாதியிலேயே நின்று விட்டது.

14 வருடங்களுக்கு பிறகு கோவைத் தம்பி இப்போது மீண்டும் படம் தயாரிக்கிறார். படத்தின் பெயர் "உயிருக்கு உயிராக". இயக்குபவர் இதே மதர்லேண்ட் பிக்சர்சால் மண்ணுக்குள் வைரம் படத்தில் அறிமுகப்படுத்தப்பட்ட மனோஜ்குமார். பாரதிராஜாவோட மச்சான். பிரபு, சஞ்சீவ், நந்தனா பிரீத்தி தாஸ் நடிக்கிறார்கள். காயத்ரியும் முக்கிய கேரக்டரில் நடிக்கிறார். பெற்றவர்கள் பிள்ளைகளை எப்படி கண்டித்தும், கண்காணித்தும், வளர்க்க வேண்டும் என்ற கருத்தை ஒரு காதலோடு கலந்து சொல்லும் படமாம். முதல்கட்ட படப்பிடிப்பு ஊட்டியில் நடந்து முடிந்திருக்கிறது. அடுத்த கட்ட படப்பிடிப்பு சென்னையில் நடக்கிறது.

Kovai thambi

கோவை தம்பி

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய