Dinamalar

ஆழ்கடல் டைவிங் : கோமாளி பட ஹீரோயின் சாகசம்

சமீபத்தில் வெளியான லவ்டுடே படம் மூலம் பரபரப்பாக பேசப்பட்டவர் இயக்குனர் பிரதீப் ரங்கநாதன். இவரது இயக்கத்தில் முதல் படமாக உருவான கோமாளி படத்தில் ஜெயம் ரவி உடன் நடித்திருந்த கதாநாயகிகளில் ஒருவர் கன்னட நடிகை சம்யுக்தா ஹெக்டே. ஜெயம்ரவியுடன் பள்ளிப்பருவ காட்சிகளில் இணைந்து நடித்து ரசிகர்களின் வரவேற்பை பெற்ற இவர் அதன்பிறகு வெங்கட் பிரபு இயக்கத்தில் வெளியான மன்மதலீலை படத்திலும் கதாநாயகியாக நடித்திருந்தார். ராஷ்மிகா மந்தனா கதாநாயகியாக அறிமுகமான கிரிக் பார்ட்டி படத்தில் தான் இவரும் கதாநாயகியாக அறிமுகமானார் என்பது பலருக்கு தெரிந்திருக்க வாய்ப்பில்லை.

சினிமாவை தவிர்த்து நீச்சலில் மிகுந்த ஆர்வம் கொண்ட சம்யுக்தா ஹெக்டே தற்போது ஆழ்கடலில் டைவிங் செய்து அதற்கான சான்றிதழும் பெற்றுள்ளார். இதுகுறித்து சில புகைப்படங்களை வெளியிட்டுள்ள அவர், “2017ல் இருந்து டைவிங் பழகி வருகிறேன். 2019லேயே ஆழ்கடல் டைவிங்கில் முதல் சான்றிதழை பெற்று விட்டேன். தற்போது அதன் இரண்டாம் நிலையில் வெற்றி பெற்றுள்ளேன். பகலிலும் சரி இரவிலும் சரி கடலில் 100 அடி ஆழத்திற்கு மேல் செல்லும்போது ஏற்படும் அந்த அனுபவத்தை விவரிக்க வார்த்தைகள் இல்லை. பின்னாளில் நான் வயதாகும்போது சொல்வதற்கு எனக்காக நிறைய கதைகள் சேர்த்து வைத்துள்ளேன்” என்று கூறியுள்ளார் சம்யுதா ஹெக்டே.

• 
  பாலியல் குற்றச்சாட்டுக்கு ஆளான ஒளிப்பதிவாளர் குறித்து தயாரிப்பாளர் ...
• 
  ஹாலிவுட் படத்தில் நடிக்கும் திஷா பதானி
• 
  மோகன்லால், மம்முட்டி படத்தை முடித்துவிட்டு சல்மான் கானை இயக்க தயாராகும் ...
• 
  தீபிகாவுக்கு ஆதரவாகப் பேசினாரா அஜய் தேவ்கன்?
• 
  அயோத்தியில் நான்காவது 'மனை' வாங்கிய அமிதாப்பச்சன்

• 
  அந்தமான் செல்லும் சாய் தன்சிகா: ஏன் தெரியுமா?
• 
  பட விழாவுக்கு வரமுடியாததால் வீடியோகாலில் பேசிய யோகிபாபு
• 
  தமிழகத்திலும் அந்த படங்கள் வரும்: கஸ்துாரி கணிப்பு
• 
  தம்பிகளா, தள்ளிப்போய் விளையாடுங்க: தனுஷ் ஆவேசம்
• 
  பிறந்தநாளன்று இளையராஜா சொன்ன இனிப்பான செய்தி