Dinamalar

'அவதார் 2' படத்தால் 'ஆதி புருஷ்' படத்திற்கு சவால்?

ஜேம்ஸ் கேமரூன் இயக்கியுள்ள 'அவதார் 2' படம் கடந்த வாரம் இந்தியாவில் ஆறு மொழிகளில் வெளியாகி நல்ல வரவேற்புடன் ஓடிக் கொண்டிருக்கிறது. 'அவதார் 2' படம் முதல் பாகத்தைப் போலவே 'மோஷன் கேப்சரிங்' முறையில் படமாக்கப்பட்ட ஒரு படம்.

நிஜ நடிகர்கள் நடிக்க அவர்களது நடிப்பு மோஷன் கேப்சரிங் முறையில் படமாக்கப்பட்டு, அவர்களது நிஜ முகம் தெரியாத அளவிற்கு வேறு ஒரு கற்பனை மிகுந்த தோற்றத்தில் அவர்களைக் காட்டுவதுதான் 'அவதார்' படங்களின் படமாக்கம். அந்தப் படத்தைப் போலவே தான் தமிழில் ரஜினிகாந்த், தீபிகா படுகோனே நடிக்க இந்தியாவின் முதல் மோஷன் கேப்சரிங் படமாக 'கோச்சடையான்' படம் தயாராகி வெளிவந்தது. ஆனால், 'கோச்சடையான்' படத்தில் இடம் பெற்ற விஎப்எக்ஸ் காட்சிகள் மிக மிகச் சுமாராக இருந்ததால் அவை வரவேற்பைப் பெறவில்லை.

இப்போது பிரபாஸ், கிரித்தி சனோன், சைப் அலிகான் மற்றும் பலர் நடிக்க 'ஆதி புருஷ்' என்ற பான் இந்தியா படத்தை மோஷன் கேப்சரிங் முறையில் படமாக்கி உள்ளார்கள். இப்படத்தின் டீசர் வெளியாகி விஎப்எக்ஸ், கிராபிக்ஸ் காட்சிகள் மிக மோசமாக இருந்ததாக கடும் விமர்சனத்தை சந்தித்தது. அதனால், இன்னும் சிறப்பாக படத்தை உருவாக்கும் விதத்தில் 2023 ஜனவரி 12ம் தேதி வெளியீட்டிலிருந்து ஜுன் 16ம் தேதிக்கு தள்ளி வைத்துள்ளார்கள்.

'அவதார் 2' படத்தின் விஎப்எக்ஸ், கிராபிக்ஸ் காட்சிகள் ரசிகர்களை வியக்கும் அளவிற்கு உள்ளன. முதல் பாகத்தில் தரையில் நடந்த அந்த சாகசக் காட்சிகள் இரண்டாம் பாகத்தில் தண்ணீரில் நடக்கிறது. இப்படம் இப்போது வெளிவந்துள்ளதால் அது போன்ற ஒரு எதிர்பார்ப்பு 'ஆதி புருஷ்' படத்திற்கும் இருக்கும். ஆனால், 'அவதார் 2' அளவுக்கெல்லாம் செலவு செய்ய முடியாது. இருப்பினும் 'ஆதி புருஷ்' படத்திற்கு ஒரு சவால் காத்திருக்கிறது என டோலிவுட்டில் இப்போதே பேச ஆரம்பித்துவிட்டார்கள்.

• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்
• 
  காரில் வெடிகுண்டு வைத்து தகர்ப்போம்! சல்மான்கானுக்கு மீண்டும் கொலை ...

• 
  'கனிமா'வைத் தொடர்ந்து 'ஜிங்குச்சா' : மீண்டும் ஒரு திருமணப் பாடல்
• 
  'பெத்தி' படத்தில் இணைகிறாரா காஜல் அகர்வால்?
• 
  'கூலி' படத்தில் நடித்துள்ள 'குட் பேட் அக்லி' பிரபலம்!
• 
  ரெட்ரோ படத்தின் தணிக்கை மற்றும் நீளம் குறித்து தகவல் இதோ!
• 
  ஆன் ஸ்க்ரீன் என்னோட குரு கமல்ஹாசன் - சிலம்பரசன் பேச்சு