Dinamalar

முதல் வார இறுதி வசூலில் உலக அளவில் 3ம் இடம் பிடித்த 'அவதார் 2'

ஜேம்ஸ் கேமரூன் இயக்கத்தில் உருவான 'அவதார் 2' படம் கடந்த வாரம் உலக அளவில் வெளியானது. 'அவதார்' படத்தின் முதல் பாகம் வெளிவந்த போது அதுவரை வெளிவந்த ஹாலிவுட் படங்களின் வசூலை முறியடித்து புதிய சாதனை படைத்தது. அப்போது சுமார் 240 மில்லியன் யுஎஸ் டாலர் வசூலை அப்படம் பெற்றது.

'அவதார் 2' படத்தின் முதல் வார வசூல் சுமார் 435 மில்லியன் யுஎஸ் டாலர்(இந்திய மதிப்பில் ரூ.3500 கோடிக்கும் அதிகம்) என முதல் கட்டத் தகவல்கள் தெரிவிக்கின்றன. இதன் மூலம் 'அவதார் 2' படம் கொரானோவுக்குப் பின் வெளிவந்த ஹாலிவுட் படங்களின் முதல் வார வசூலைப் பொறுத்தவரையில் மூன்றாம் இடம் பிடித்துள்ளது. 'ஸ்பைடர் மேன் - நோ வே ஹோம்' படம் 600 மில்லியன் யுஎஸ் டாலர் வசூலித்து முதலிடத்திலும், 'டாக்டர் ஸ்ட்ரேஞ்ச்' படம் 442 மில்லியன் யுஎஸ் டாலர் வசூலித்து இரண்டாம் இடத்திலும் உள்ளன.

அதே சமயம் ஹாலிவுட் சினிமா வரலாற்றில் 'அவஞ்சர்ஸ் என்ட் கேம்' படம் முதல் வார வசூலாக 1223 மில்லியன் யுஎஸ் டாலர் வசூலித்து முதலிடத்தில் உள்ளது. 'அவஞ்சர்ஸ் இன்பினிட்டி வார்' 640 மில்லியன் யுஎஸ் டாலர் வசூலுடன் 2ம் இடத்திலும், 'ஸ்பைடர் மேன் நோ வே ஹோம்' 600 மில்லியன் யுஎஸ் டாலர் வசூலித்து 3ம் இடத்திலும் உள்ளன.

அதிகம் எதிர்பார்க்கப்பட்ட 'அவதார் - த வே ஆப் வாட்டர்' படம் முதல் வார வசூலாக 435 மில்லியன் யுஎஸ் டாலர் பெற்று 11வது இடத்தை மட்டுமே பிடித்துள்ளது என்பது பாக்ஸ் ஆபீஸ் தகவலாக உள்ளது.

• 
  மீண்டும் ஹிந்தி படத்தில் கமிட்டான ராஷி கண்ணா
• 
  ஜூனியர் என்டிஆர் உடன் நடித்தது ஒரு கற்றல் அனுபவம் : சொல்கிறார் ஹிருத்திக் ...
• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு

• 
  தேசிய விருது : தேர்வு குழுவிற்கு நடிகை ஊர்வசி கேள்வி
• 
  மீரா மிதுனை கைது செய்து ஆஜர்படுத்த நீதிமன்றம் உத்தரவு
• 
  ரஜினிக்கும், தனது தந்தைக்கும் உள்ள ஒற்றுமையை கூறிய லோகேஷ்
• 
  குடும்பத்துடன் திருப்பதியில் சாமி தரிசனம் செய்த சூர்யா
• 
  துல்கர் சல்மானின் 41வது படத்தை துவக்கி வைத்த நானி