Dinamalar

இன்னும் தேதியை அறிவிக்காமல் விளம்பரத்தில் இறங்கிய 'வாரிசு, துணிவு'

2023ம் ஆண்டு பொங்கலுக்கு விஜய் நடிக்கும் 'வாரிசு', அஜித் நடிக்கும் 'துணிவு' ஆகிய படங்கள் வெளியாக உள்ளன. இரண்டு படங்களின் வெளியீடும் பொங்கலுக்குத்தான் என்பதை முன்னரே அறிவித்துவிட்டார்கள். இரண்டு படங்களின் வியாபாரமும் பரபரப்பாக நடந்து வருகிறது. எந்தப் படம் அதிக தியேட்டர்களில் வெளியாகும் என அது பற்றிய தகவல்கள் அதிகம் வந்து கொண்டிருக்கின்றன.

'துணிவு' படத்தை உதயநிதி ஸ்டாலினின் ரெட் ஜெயன்ட் மூவிஸ் வெளியிடுவதால் 'வாரிசு' படம் அதிக தியேட்டர்களில் வெளியாகுமா என்ற சந்தேகம் இன்னும் இருந்து வருகிறது. இரண்டு படங்களும் சம அளவில் வெளியாகும் என ஒரு பேட்டியில் உதயநிதியே சொன்னாலும் அதை விஜய் ரசிகர்கள் நம்பத் தயாராக இல்லை.

இரண்டு படங்களும் பொங்கலுக்கு வெளியாகும் என்று மட்டுமே அறிவிக்கப்பட்டுள்ளன. ஆனால், இன்னமும் எந்தத் தேதியில் வெளியாகும் என்று அதிகாரப்பூர்வ அறிவிப்பு வெளியாகவில்லை. 'துணிவு' படத்தின் பொங்கல் வெளியீடு போஸ்டர்கள் தமிழகம் முழுவதும் ஒட்டப்பட்டு வருகிறது. அதை சமூக வலைத்தளங்களிலும் ரசிகர்கள் பகிர்ந்தார்கள். அதையடுத்து 'வாரிசு' படத்தின் பொங்கல் வெளியீடு போஸ்டரை தயாரிப்பு நிறுவனம் நேற்று அதிகாரப்பூர்வமாக மீண்டும் வெளியிட்டது.

தியேட்டர்கள் புக்கிங் முழுவதுமாக முடிந்த பிறகு தான் இரண்டு படங்களின் வெளியீட்டுத் தேதி அறிவிக்கப்படலாம் எனத் தெரிகிறது. ஒரே நாளில் இரண்டு படங்களும் வருமா அல்லது ஏதாவது ஒரு படம் ஒரு நாள் முன்னதாக வெளியாகுமா என்பது சீக்கிரம் தெரிந்துவிடும்.

• 
  இரண்டே நாட்களில் 100 கோடி கடந்த 'சிக்கந்தர்'
• 
  இளம் பெண் பலாத்காரம்: பாலிவுட் இயக்குனர் கைது
• 
  ஏர்போர்ட்டில் தடையின்றி செல்ல தந்தையின் சலுகைகளை ரன்யா ராவ் ...
• 
  சிக்கந்தர் - மோசமில்லாத முதல் நாள் வசூல்
• 
  ஷங்கர் அடுத்து 'அவுட்டேட்டட்' பட்டியலில் இணைந்த ஏஆர் முருகதாஸ்

• 
  சினிமா துறை நாறிப் போய் உள்ளது : சனம் ஷெட்டி கோபம்
• 
  பேட் மேன் பட நடிகர் வால் கில்மர் காலமானார்
• 
  குட் பேட் அக்லி படத்தின் ரன்னிங் டைம் வெளியானது
• 
  29 வயதா.... நம்பமுடியவில்லை என்கிறார் ராஷ்மிகா
• 
  ஹிப் ஹாப் ஆதியின் படத்தை இயக்கும் ஜோ இயக்குனர்