Dinamalar

இசை அமைப்பாளர் ஆன கருணாஸ் மகன்: நடிகராக வளரணும் கருணாஸின் ஆசை

நடிகர் கருணாசின் மகன் கென் கருணாஸ், சில படங்களில் குழந்தை நட்சத்திரமாக நடித்தார். கடைசியாக அசுரன் படத்தில் தனுசின் மகனாக நடித்தார். இந்த நிலையில் சல்லியர்கள் என்ற படத்தின் மூலம் இசை அமைப்பாளராகி இருக்கிறார். இதில் அவர் தனது நண்பர் ஈஸ்வர் என்பவருடன் இணைந்து இசை அமைத்திருக்கிறார். இந்த படத்தை கருணாஸ் தயாரித்து அவரும் நடித்திருக்கிறார். சத்யா தேவி என்ற புதுமுகம் ஹீரோயினாக அறிமுகமாகிறார்.

இந்த படத்தின் பாடல் வெளியீட்டு விழாவில் கருணாசின் மகன் கென் பேசியதாவது: என்னுடைய நண்பன் ஈஸ்வர் தான் இந்த படத்திற்கு மெயின் இசையமைப்பாளர். நான் அவருக்கு பக்கபலமாக இருந்து பணியாற்றியுள்ளேன். இந்த சல்லியர்கள் படம் பற்றி சொன்னபோது ஆரம்பத்தில் எதுவும் புரியவில்லை. ஒருவேளை தலைமுறை இடைவெளி காரணமாக இருக்கலாம். இதைப்பற்றி புரிந்து கொள்ளவே எங்களுக்கு ஒரு மாதம் ஆகிவிட்டது. உண்மையை சொல்லப்போனால் இயக்குனர் கிட்டுவுடன் வேலை பார்ப்பது ரொம்பவே கஷ்டம். ஆனால் அதன்பிறகு கதையை உள்வாங்கி இசையமைக்கத் துவங்கினோம். என்றார்.

இதே விழாவில் கருணாஸ் பேசியதாவது: இந்த படத்தில் எனது மகனின் நண்பர் ஈஸ்வரை இசையமைப்பாளராக அறிமுகப்படுத்துகிறேன். என் மகனும் அவனுடன் இணைந்து இசையமைப்பு பணிபுரிந்துள்ளார் என்றாலும் அவர் ஒரு நல்ல நடிகனாக வரவேண்டும் என்று தான் நான் ஆசைப்படுகிறேன். ஆனால் இனிவரும் நாட்களில் எல்லாவிதமான தகுதிகளையும் வளர்த்துக் கொண்டால் எதிர்காலத்திற்கு நல்லதாக இருக்கும். என்றார்.

• 
  ஒரு டஜன் வாழைப்பழம் மட்டும் சம்பளமாக பெற்றுக்கொண்டு நடித்த கோவிந்தா
• 
  அரிய நோயால் பாதிக்கப்பட்டுள்ள பூமி பட்னேகர்
• 
  தீபிகா படுகோனேவின் குரல் இனி மெட்டா ஏஐ-யில் ஒலிக்கும்
• 
  மாதவனை பழிக்குப்பழி வாங்கி விட்டேன் : அஜய் தேவ்கன் பகிர்ந்த சுவாரஸ்ய ...
• 
  'மகாபாரதம்' தொடரில் கர்ணனாக நடித்த நடிகர் பங்கஜ் தீர் காலமானார்

• 
  ஹீரோ அவதாரம் எடுக்கும் தேவி ஸ்ரீ பிரசாந்த்
• 
  பெண் குற்றச்சாட்டை தொடர்ந்து உதவி இயக்குனர் மீது காவல்துறையில் புகார் ...
• 
  பாகுபலி : தி எபிக் ரன்னிங் டைம் சென்சார் சான்றிதழ் வெளியானது
• 
  எனக்கு தடை விதிப்பவர்களிடம் ஏன் என்று கேளுங்கள்: ராஷ்மிகா
• 
  பிளாஷ்பேக் : அமிதாப்பச்சன் பட ரீமேக்கில் ஆர்வம் காட்டிய ரஜினி