Dinamalar

ஹிந்தியில் த்ரிஷ்யம்-2 வெற்றி : உற்சாகத்தில் அஜய் தேவ்கன்

மலையாளத்தில் மோகன்லால் - ஜீத்து ஜோசப் கூட்டணியில் உருவான திரிஷ்யம் படம், அதன் மிகப்பெரிய வெற்றியை தொடர்ந்து அதன் இரண்டாம் பாகமாக திரிஷ்யம் 2 என்கிற பெயரிலும் வெளியாகி முதல் பாகத்தைப் போலவே வெற்றி பெற்றது. அதேபோல திரிஷ்யம் படம் தமிழ், தெலுங்கு, கன்னடம் மட்டுமல்லாது ஹிந்தியிலும் ரீமேக் செய்யப்பட்டது. ஆனால் மற்ற மொழிகளைப்போல ஹிந்தியில் பெரிய வரவேற்பை பெற தவறியது. அதேபோல இதன் இரண்டாம் பாகம் தெலுங்கில் மட்டும் ரீமேக் செய்யப்பட்டு வெளியாகி இருந்தது. இந்நிலையில் ஹிந்தியில் திரிஷ்யம்-2 படம் ரீமேக் செய்யப்பட்டு கடந்த வெள்ளியன்று வெளியானது.

இந்த இரண்டாம் பாகத்தை அபிஷேக் பதக் என்பவர் இயக்கியிருந்தார். ஆச்சரியமாக இந்த இரண்டாம் பாகத்திற்கு ரசிகர்களிடம் மிகப்பெரிய வரவேற்பு கிடைத்துள்ளது. முதல் நாள் 15 கோடி வசூலித்த இந்த படம் வார நாட்களில் காட்சிகள் அதிகரித்து மூன்று நாட்களில் 60 கோடியை தாண்டி வசூலித்துள்ளது. இந்த படத்தின் மொத்த பட்ஜெட்டே 50 கோடி என்பது குறிப்பிடத்தக்கது.

திரிஷ்யம் படத்தின் முதல் பாகம் பெரிய வரவேற்பைப் பெறாததால் கொஞ்சம் வருத்தத்தில் இருந்த அஜய் தேவன், இந்த இரண்டாம் பாகம் மிகப்பெரிய அளவில் வரவேற்பை பெற்றதால் மிகுந்த மகிழ்ச்சியில் இருக்கிறார். முதல்பாகத்தில் அவருக்கு ஜோடியாக நடித்த ஸ்ரேயா, போலீஸ் அதிகாரியாக நடித்த தபு உள்ளிட்டோர் இந்தப்படத்திலும் அதே கதாபாத்திரங்களில் நடித்துள்ளனர்.

• 
  10 வருடங்களுக்குப் பிறகு இரண்டாம் தயாரிப்பு நிறுவனத்தை ஆரம்பித்த சூர்யா ...
• 
  டிசம்பர் 12ல் 'அகண்டா 2'வை வெளியிட தீவிர முயற்சி
• 
  லோகேஷ் கனகராஜ், அமீர் கான் படம், பேச்சுவார்த்தையில்…
• 
  வெளியீட்டிற்குத் தடை இருந்தாலும் இன்று 'வா வாத்தியார்' நிகழ்ச்சி
• 
  ஜப்பானில் வெளியாகும் புஷ்பா 2

• 
  ‛தூரான்தர்' படத்தின் வசூல் நிலவரம்!
• 
  மலேசியாவில் ரசிகர்களுடன் புகைப்படம் எடுத்த அஜித்
• 
  தர்மேந்திரா பிறந்தநாளில் ரசிகர்களின் பார்வைக்காக பண்ணை வீடு திறப்பு
• 
  லண்டன் லெஸ்டர் சதுக்கத்தில் ஷாருக்கான், கஜோலுக்கு சிலை
• 
  100 கோடி வசூல் கடந்த தனுஷின் 'தேரே இஷ்க் மெய்ன்'