Dinamalar

'கிரேஸி' மோகன் 70வது பிறந்த நாள் விழா : மவுலிக்கு வாழ்நாள் சாதனையாளர் விருது

சென்னை : நாடக ஆசிரியரும் நடிகருமான கிரேஸி மோகனின் 70வது பிறந்தநாளை முன்னிட்டு, பிரபல நடிகர் மவுலிக்கு, வாழ்நாள் சாதனையாளர் விருதை, நடிகர் கமல்ஹாசன் வழங்குகிறார். நாடக ஆசிரியராகவும், நகைச்சுவை எழுத்தாளராகவும் பிரபலமடைந்தவர் 'கிரேஸி' மோகன். அவரது 70வது பிறந்த நாள், வரும் 16ம் தேதி 'கிரேஸி கிரியேஷன்ஸ்' சார்பில் கொண்டாடப்படுகிறது.

சென்னை தி.நகர் வாணி மஹாலில், கிரேஸி மோகன் ஜெயந்தி விழாவாக, மாது பாலாஜி உள்ளிட்ட குழுவினர் கொண்டாட உள்ளனர். அதன் ஒருபகுதியாக, 'கிரேஸி' மோகன் வாழ்நாள் சாதனையாளர் மற்றும் சிறப்பு விருதுகளை வழங்க உள்ளனர். அதன்படி, 'கிரேஸி' மோகனின் மானசீக குருவும், நடிகர், எழுத்தாளர், இயக்குனர் என பன்முகம் கொண்டவருமான மவுலிக்கு, வாழ்நாள் சாதனையாளர் விருது வழங்கப்பட உள்ளது. கிரேஸி மோகன் சிறப்பு விருதுகள் நகைச்சுவை நடிகர் காத்தாடி ராமமூர்த்தி, கர்நாடக இசைப் பாடகி காயத்ரி கிரிஷ், டாக்டர் ராஜன் ரவிச்சந்திரன் ஆகியோருக்கு வழங்கப்பட உள்ளன.

இந்த விருதுகளை நடிகர் கமல்ஹாசன் வழங்க உள்ளார். அதைத் தொடர்ந்து, மாலை 6:00 மணிக்கு, 'கிரேஸி' மோகன் எழுதிய வெண்பாக்களை, 'கண்ணன் அனுபூதி' என்ற தலைப்பில், கர்நாடக இசைப் பாடகி காயத்ரி கிரிஷ், இசையமைத்து பாடுகிறார். மேலும், 'கிரேஸி' மோகன் இயக்கிய 'மேரேஜ் மேட் இன் சலுான்' நாடகம் 14ம் தேதியும், 'சாக்லேட் கிருஷ்ணா' நாடகம் 15ம் தேதியும், மாலை 7:00 மணிக்கு, வாணி மஹால் ஒபுல் ரெட்டி அரங்கில் மேடையேறுகிறது.

• 
  பாலிவுட்டின் மூத்த நடிகை காமினி கவுசல் காலமானார்
• 
  அனிமேஷன் கேரக்டருக்கு குரல் கொடுத்தது சுவாரஸ்யம் : ஷ்ரத்தா கபூர்
• 
  பின்வாங்கிய ராஜ்குமார் ஹிரானி, அமீர் கான் : அப்போ ராஜமவுலிக்கு வெற்றியா?
• 
  பிரதமர் மோடியின் அம்மா வேடத்தில் நடிக்கும் ரவீனா டாண்டன்
• 
  நலமாக இருக்கிறேன் : மருத்துவமனையிலிருந்து வீடு திரும்பினார் கோவிந்தா

• 
  குடும்பங்கள் கொண்டாடிய படங்களின் இயக்குனர் வி சேகர் காலமானார்
• 
  கும்கி 2 படத்தை வெளியிட அனுமதி
• 
  பல ஹீரோக்கள் இதை விரும்பமாட்டார்கள் - ஆண்ட்ரியா
• 
  ராஷ்மிகாவுக்கு தேசிய விருது நிச்சயம் : தேவிஸ்ரீ பிரசாத் நம்பிக்கை
• 
  பெங்களூர் டேஸ் படத்தை ரீமேக் செய்து கெடுத்து விட்டோம் : ராணா