தந்தையின் வாழ்க்கையை படமாக தயாரிக்கும் மகன்

03 ஆக, 2022 - 01:30 IST

0 கருத்துகள் கருத்தைப் பதிவு செய்ய

எழுத்தின் அளவு:

இந்திய அளவில் புகழ்பெற்ற விஆர்எல் குரூப்பின் நிறுவனர் கர்நாடக மாநிலத்தை சேர்ந்த விஜய் சங்கேஷ்வர். தற்போது இவரது வாழ்க்கை சினிமாவாக தயாராகிறது. இதனை அவரது மகன் ஆனந்த் சங்கேஷ்வர் தயாரிக்கிறார். படத்திற்கு விஜயானந்த் என்று டைட்டில் வைத்துள்ளனர். கன்னடத்தில் தயாராகும் இந்த படம் தமிழ், தெலுங்கிலும் வெளியாகிறது.

ரிஷிகா சர்மா இப்படத்தை இயக்கி வருகிறார். விஜய் சங்கரேஷ்வராக நிஹால் நடிக்கிறார். மற்றும் அனந்த் நாக், வினயா பிரசாத், வி ரவிச்சந்திரன், பிரகாஷ் பெலவாடி, அனிஷ் குருவில்லா, சிரி பிரஹலாத் மற்றும் பரத் போபண்ணா உள்பட பலர் நடிக்கிறார்கள். கீர்த்தன் பூஜாரி ஒளிப்பதிவு செய்கிறார். கோபிசுந்தர் இசை அமைக்கிறார்.

படம் பற்றி தயாரிப்பாளர் ஆனந்த் சங்கேஷ்வர் கூறியதாவது : இது ஒரு வாழ்க்கை வரலாற்றுப்படம். என் தந்தையும் பிரபல தொழில் அதிபருமான விஜய் சங்கேஷ்வரின் வாழ்க்கை சினிமா. 1976ல் ஒரு சிங்கிள் டிரக் மூலம் தனது வாழ்க்கைப் பயணத்தைத் தொடங்கியவர். இன்று தேசம் முழுக்க அறியப்பட்ட பிரபல தொழிலதிபர். சிறிய அளவில் தொடங்கி வளர்ந்த அவரது கதையில், அவரது வளர்ச்சிப் பாதையில் ஒரு வாரிசாக ஆனந்த் சங்கேஷ்வராகிய நானும் இடம் பெறுகிறேன் என்பதில் எனக்கு எல்லையில்லா மகிழ்ச்சி.

தென்னிந்திய மொழிகளில் வெளியாகும் இப்படத்தை தமிழிலும் வெளியிடுவது உள்ளபடியே பெருமிதமாக உணர்கிறேன். ஒரு தன் வரலாற்றுப்படம் மற்ற மொழிகளில் டப் ஆகி வெளிவருவது என்பது இதுவே முதல்முறை .

Vijayanath

கருத்துகள் (0) கருத்தைப் பதிவு செய்ய

மர்லின் மன்றோ வாழ்க்கை சினிமா : ...

சிரஞ்சீவி, சல்மான்கானிடம் ஆசி பெற்ற ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய