Dinamalar

தொடர்ந்து ஈகோ யுத்தத்தில் ஜெயித்து வரும் பிரித்விராஜ்

நடிகர் பிரித்விராஜ் நடிப்பில் சமீபத்தில் வெளியாகியுள்ள படம் கடுவா. ஆக்சன் படங்களை இயக்குவதில் பெயர் பெற்ற இயக்குனர் ஷாஜி கைலாஷ் இந்த படத்தை இயக்கியுள்ளார். இதில் வில்லனாக விவேக் ஓபராய் நடித்துள்ளார். தன் ஏரியாவில் டான் ஆக விளங்கும் பிரித்விராஜுக்கும் அசிஸ்டன்ட் போலீஸ் கமிஷனரான விவேக் ஓபராய்க்கும் இடையே நடக்கும் பிரச்னை தான் இந்த படத்தின் கதை.

சொல்லப்போனால் இந்த இருவருக்கும் எந்த பிரச்னையும் இல்லாத நிலையில் பிரித்விராஜ், விவேக் ஓபராயின் தாயிடம் சொன்ன ஒரு வார்த்தை காரணமாக பெரிதாகும் ஒரு பிரச்னை இவர்கள் இருவருக்கும் நீயா நானா பார்த்துவிடலாம் என்கிற ஈகோ மோதலை உருவாக்குகிறது. அதன் பின் என்ன நடக்கிறது என்பதுதான் கதை. இந்த படம் ரசிகர்களிடம் வரவேற்பை பெற்று வெற்றியும் பெற்றுள்ளது.

இதற்கு முன்னதாக கடந்த இரண்டு வருடங்களுக்கு முன் வெளியான டிரைவிங் லைசன்ஸ் மற்றும் அய்யப்பனும் கோஷியும் ஆகிய படங்களும் பிரித்விராஜ் நடிப்பில் ஈகோ யுத்தத்தை அடிப்படையாகக் கொண்டு வெளியாகி மிகப்பெரிய வெற்றி பெற்ற படங்கள் தான். அந்த வகையில் ஈகோ யுத்த கதைகள் பிரித்விராஜூக்கு தொடர்ந்து வெற்றி தருகின்றன என்பது ஆச்சரியமான விஷயம் தான்.

• செய்திகள்
• வந்த படங்கள்

• 
  வாரிசு பட இயக்குனரின் அடுத்த படத்தில் நடந்த ட்விஸ்ட்!
• 
  அருந்ததி படம் ஹிந்தியில் ரீமேக் ஆகுவது உறுதி!
• 
  அமெரிக்காவில் ஜாக்கி சானுடன் ஹிருத்திக் ரோஷன் சந்திப்பு
• 
  மீண்டும் ரா ஏஜென்ட் கபீர் ரோலில் ஹிருத்திக் ரோஷன்
• 
  ஹிந்தி நடிகர் சதீஷ் ஷா காலமானார்

• 
  நாகார்ஜுனா 100வது படத்தில் இணைந்த நடிகை சுஷ்மிதா பட்!
• 
  ‛வா வாத்தியார்' டைட்டிலின் பின்னணி ; ஆனந்தராஜ் சொன்ன தகவல்
• 
  தனுஷ் பட ஒளிப்பதிவாளருக்கு கிடைத்த மரியாதை
• 
  கவுதம் ராம் கார்த்திக்கின் ‛ரூட்' படத்தின் முழு படப்பிடிப்பும் நிறைவு ...
• 
  சத்ய சாய் பாபா படத்தை இயக்கும் சுரேஷ் கிருஷ்ணா!