Dinamalar

தெலுங்கில் பிசியான தமிழ் நடிகர்

பொதுவாக தமிழ் சினிமாவில் போதிய வாய்ப்புகள் இன்றி தெலுங்கிற்கு சென்று முன்னணி நடிகை ஆனவர்கள் இருக்கிறார்கள். சமந்தா, அனுஷ்கா, ரகுல் ப்ரீத்தி சிங், சாய் பல்லவி இப்படி பலரை சொல்லலாம். இதேபோன்று இங்கு சரியான வாய்ப்புகள் இல்லாமல் தெலுங்கிற்கு சென்று முன்னணி நடிகர் ஆகியிருக்கிறார் ஆதித்.

தமிழ் சினிமாவில் இனிது இனிது படம் மூலமாக நடிகராக அறிமுகமானவர் ஆதித், தொடர்ந்து தமிழில் பல படங்களில் நடித்தவர் தெலுங்கு திரையுலகில் "கதா" திரைப்படம் மூலம் அறிமுகமானார். தொடர்ந்து தெலுங்கு படங்கள் அவருக்கு நல்ல வரவேற்பை பெற்று தந்தன. வரிசையாக படங்கள் தொடர்ந்து வந்ததில் ஐதராபாத்தில் செட்டில் ஆகிவிட்டார் ஆதித்.

தெலுங்கில் இவர் நடித்த 24 கிஸ்ஸஸ், சிக்காடி காடிலோ சித்தகொதுடு, டியர் மேகா உள்ளிட்ட படங்கள் நல்ல வரவேற்பை பெற்றன. தனது பெயரையும் திரிகுன் என மாற்றிவிட்டார். சமீபத்தில் இவர் பிறந்த நாளை முன்னிட்டு ஒரே நேரத்தில் இவர் நடிக்கும் நான்கு படங்களின் போஸ்டர்கள் வெளியிடப்பட்டன. ராம்கோபால் வர்மா இயக்கும் கொண்டா படத்திலும் இவர் தான் ஹீரோ.

"தமிழ் சினிமாவை விட்டு தெலுங்கு சினிமா பக்கம் சென்றாலும் தமிழ் சினிமாதான் என் தாய்வீடு, தமிழ் இளைஞனாக தமிழ் சினிமாவில் நமக்கென ஒரு இடத்தை தக்கவைத்துக் கொள்ளவே எனக்கு விருப்பம். தற்பொழுது அது நிறைவேறும் விதமாக முன்னணி இயக்குனர்களோடு கைகோர்க்கிறேன் என்கிறார் ஆதித் என்கிற திரிகுன்.

• 
  முதல் குழந்தை வீட்டிற்கு வருவதற்கு முன் ஆறு குழந்தைகளை பறிகொடுத்தேன் : ...
• 
  மும்பையில் உள்ள அபார்ட்மென்ட்டை குறைந்த லாபத்திற்கு விற்ற சோனு சூட்
• 
  குடும்பத்துடன் விநாயகர் சதுர்த்தி கொண்டாடிய சல்மான்கான்
• 
  காரில் கோளாறு: ஷாரூக்கான், தீபிகா படுகோனே மீது வழக்கு
• 
  எனது சொகுசு பங்களா வீடியோவை உடனே நீக்குங்கள்! - ஆலியா பட் வைத்த ஆவேச ...

• 
  நிஜ சிங்கத்துடன் நடித்த ஷ்ரிதா ராவ்
• 
  மோகன்லால், பகத் பாசிலை பின்னுக்குத் தள்ளி கல்யாணி பிரியதர்ஷன்
• 
  2025 : 8 மாதங்களில் 175 படங்கள் ரிலீஸ்... அதிர்ச்சி தரும் ரிசல்ட்
• 
  அனுஷ்கா வராதது அவர் விருப்பம் : இயக்குனர் கிரிஷ் பதில்
• 
  தெலுங்கு சினிமாவில் 1000 கோடி வசூல் : காரணம் சொல்லும் சிவகார்த்திகேயன்