Dinamalar

ஹிந்தி மார்க்கெட் - 'பாகுபலி 2'வில் பாதி வசூலித்த 'ஆர்ஆர்ஆர்'

'ஆர்ஆர்ஆர்' படம் வெளிவருவதற்கு சில நாட்களுக்கு முன்பிருந்தே இப்படம் 'பாகுபலி 2' வசூலை முறியடிக்குமா என்ற கேள்வி எழுந்தது. 'பாகுபலி 2' படம் மீதான எதிர்பார்ப்பு வெளியீட்டிற்கு முன்பாக மிக அதிகமாக இருந்தது. ஆனால், 'ஆர்ஆர்ஆர்' படத்தைப் பொறுத்தவரையில் அதில் நடித்தவர்களை விட இயக்குனர் ராஜமௌலி மீதுதான் எதிர்பார்ப்பு அதிகம் இருந்தது.

'பாகுபலி 2' அளவிற்கு 'ஆர்ஆர்ஆர்' இல்லை என்பது பரவலான கருத்தாக உள்ளது. ராஜமவுலி, ஜுனியர் என்டிஆர், ராம் சரண் ஆகியோர் வட இந்தியாவில் பல ஊர்களுக்குச் சென்று படத்திற்கு புரமோஷன் செய்தார்கள். இருப்பினும் எதிர்பார்த்த அளவிற்கு படத்தின் வசூல் அமையவில்லை என்றுதான் தகவல் வெளிவருகிறது.

ஹிந்தி மார்க்கெட்டில் முதல் நாள் 'ஆர்ஆர்ஆர்' படம் நிகர வசூலாக 20 கோடி வரையில்தான் வசூலித்துள்ளதாம். ஆனால், 'பாகுபலி 2' படம் 40 கோடியை வசூலித்துள்ளது. 'பாகுபலி 2' வசூலை முறியடிக்கும் என்று எதிர்பார்க்கப்பட்ட நிலையில் அதில் பாதி அளவு வசூல் மட்டுமே கிடைத்திருப்பது பாலிவுட்டில் அதிர்ச்சியை ஏற்படுத்தியுள்ளது. இன்றும் நாளையும் விடுமுறை தினம் என்பதால் வசூல் நன்றாக இருக்கும் என்று எதிர்பார்க்கிறார்கள். வட இந்தியாவில் படத்திற்கான உண்மையான வரவேற்பு திங்களன்றே தெரியும் என்கிறது பாலிவுட்.

• 
  போலீசார் மீதான மரியாதை அதிகரித்துள்ளது : திரிதா சவுத்ரி
• 
  நடிகை கியாரா அத்வானிக்கு பெண் குழந்தை பிறந்தது
• 
  எனது முத்தக் காட்சியை எப்படி நீக்கலாம் : பாலிவுட் நடிகை கண்டனம்
• 
  அட்லி இயக்கும் விளம்பரத்தில் நடிக்கும் ரன்வீர் சிங், ஸ்ரீ லீலா
• 
  ‛பரியேறும் பெருமாள்' ஹிந்தி ரீ மேக்கான ‛தடக் 2' டிரைலர் வெளியீடு, ஆக., 1ல் ...

• 
  'மதராஸி' படத்தின் முதல் பாடல் எப்போது?
• 
  அனுஷ்கா உடன் மோதும் ராஷ்மிகா!
• 
  சூர்யாவின் 50வது பிறந்த நாளில் வெளியாகும் 'கருப்பு' படத்தின் டீசர்!
• 
  விஜய் சேதுபதியின் 'தலைவன் தலைவி' டிரைலர் வெளியானது!
• 
  சிவகார்த்திகேயன் - வெங்கட்பிரபு இணையும் படம் அக்டோபரில் தொடங்குகிறது!