Dinamalar

'வலிமை' ரிலீஸ் எப்போது - அஜித் ரசிகர்கள் ஆர்வம்

2022 பிறந்ததுமே தமிழ் சினிமாவில் பெரிதும் எதிர்பார்க்கப்பட்ட படமாக 'வலிமை' படம் இருந்தது. அப்படம் தான் இந்த ஆண்டின் முதல் பெரிய வெளியீடாக ஜனவரி 13ம் தேதி வெளிவந்திருக்க வேண்டியது. ஆனால், கொரோனா அலை பரவல் காரணமாக படத்தின் வெளியீட்டைத் தள்ளி வைப்பதாக அறிவித்தனர்.

தெலுங்கில் தயாராகி பான்-இந்தியா படமாக வெளிவர உள்ள 'ஆர்ஆர்ஆர்' படமும் ஜனவரி 7ம் தேதியே வந்திருக்க வேண்டிய படம். அவ்வளவு பெரிய படத்தின் வெளியீடு பற்றி நேற்று அதிகாரப்பூர்வமாக அறிவித்துவிட்டனர்.

அதனால், 'வலிமை' படத்தின் வெளியீடு பற்றியும் சீக்கிரமே அறிவிப்பு வரும் என அஜித் ரசிகர்கள் ஆர்வத்துடன் இருக்கிறார்கள். 'ஆர்ஆர்ஆர்' படத்துடன் 'வலிமை' ஒரே தேதியில் வெளியாக வாய்ப்பில்லை. இருந்தாலும், அந்தப் படத்திற்கு முன்பாக வருமா, பின்னர் வருமா என்பதுதான் கேள்வியாக உள்ளது.

கொரோனா அலை குறைந்து மக்களை மீண்டும் தியேட்டர்களுக்கு வரவழைப்பதை 'வலிமை, ஆர்ஆர்ஆர், ராதேஷ்யாம், பீஸ்ட்' போன்ற பெரிய படங்கள்தான் செய்தாக வேண்டும். எனவே, குறித்த இடைவெளியில் இந்தப் படங்கள் வெளியாகும் வாய்ப்புகள்தான் அதிகம்.

'ஆர்ஆர்ஆர்' படம் வெளியீடு அவர்கள் அறிவித்துள்ள இரண்டு தேதிகளில் எந்த ஒரு தேதியில் வெளியாகும் என்பது உறுதியாகத் தெரிந்துவிட்டால் 'வலிமை' படத்தின் அறிவிப்பு வெளியாகலாம் என்கிறார்கள்.

• 
  துரந்தர் 2 படத்தின் முதல் விமர்சனத்தை வெளியிட்ட யாமி கவுதம்
• 
  தென்னிந்திய இயக்குனரை தேடும் ஹிருத்திக் ரோஷன்
• 
  'கேரளா ஸ்டோரி 2' படத்திற்கு விதிக்கப்பட்ட தடை நீக்கம்
• 
  மறு உத்தரவு வரும் வரை கேரளா ஸ்டோரி 2 ரிலீஸை நிறுத்திவைத்த கேரள ...
• 
  தடை செய்யப்பட்ட துரந்தர் படம் பார்ப்பதற்காகவே இந்தியா வந்தார்கள் : ...

• 
  சவுந்தர்யா பயோபிக் படத்தில் நடிக்க ஆசைப்படும் பிரியங்கா மோகன்
• 
  சிம்பு, தனுஷ் மோதல் இருக்கிறதா : சமுத்திரக்கனி பதில்
• 
  விஜய் தேவரகொண்டா - ராஷ்மிகாவின் ‛ரணபலி' படத்தின் முதல் பாடல் வெளியானது
• 
  மார்ச் 6ல் ஜீ5 ஓடிடியில் வெளியாகும் காந்தி டாக்ஸ்
• 
  பிரதமர் மோடியுடன் சந்திப்பு குறித்து ராஷ்மிகா நெகிழ்ச்சி