மோகன்லால் படத்தை இயக்கும் பஹத் பாசிலின் ஆஸ்தான இயக்குனர்

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

19 ஜன, 2026 - 06:04 IST

எழுத்தின் அளவு:

மலையாள திரை உலகில் 2016 காலகட்டத்தில் தொடர் தோல்விகளால் நடிகர் பஹத் பாசில், சரிவை நோக்கி சென்று கொண்டிருந்தபோது தான் இயக்கிய 'மகேஷிண்டே பிரதிகாரம்' என்கிற படத்தின் வெற்றி மூலம் அவரது மார்க்கெட்டை இழுத்துப் பிடித்து நிலை நிறுத்தியவர் இயக்குனர் திலீஷ் போத்தன்.

அதனைத் தொடர்ந்து பஹத் பாசிலை வைத்தே 'தொண்டிமுதலும் திரிக்சாட்சியும்' மற்றும் 'ஜோஜி' என மூன்று படங்களை மட்டுமே அவர் இயக்கியுள்ளார். அதன் பிறகு படங்களை இயக்க நேரமில்லாத அளவிற்கு பிசியான நடிகராக மாறி வருடத்திற்கு 10 படங்களுக்கு குறைவில்லாமல் நடித்து வருகிறார் திலீஷ் போத்தன். இடையில் தயாரிப்பாளராக மாறி 'கும்பலாங்கி நைட்ஸ், தங்கம், பிரேமலு' உள்ளிட்ட படங்களையும் தயாரித்துள்ளார்.

இந்த நிலையில் ஐந்து வருடங்களுக்குப் பிறகு மீண்டும் டைரக்ஷனுக்கு திரும்புகிறார் திலீஷ் போத்தன். இந்த முறை அவர் மோகன்லால் நடிக்கும் படத்தை இயக்க இருக்கிறார். மகேஷிண்டே பிரதிகாரம் படத்திலிருந்து இவருக்கு பக்கபலமாக இருந்து வரும் கதாசிரியர்கள் ஷியாம்-புஷ்கரன் இருவரும் தான் இந்த படத்திற்கும் கதை எழுதுகிறார்கள். மோகன்லாலின் ஆசிர்வாத் சினிமாஸ் சார்பாக ஆண்டனி பெரும்பாவூர் இந்த படத்தை தயாரிக்கிறார். ஏற்கனவே 'நீராளி, டிராமா' உள்ளிட்ட ஒரு சில படங்களில் மோகன்லாலுடன் திலீஷ் போத்தன் இணைந்து நடித்துள்ளார் என்பதும் குறிப்பிடத்தக்கது.

Mohanlal

Dileesh Pothan

Fahadh Faasil

மோகன்லால்

திலீஷ் போத்தன்

பஹத் பாசில்

கருத்துகள் (0) கருத்தைப் பதிவு செய்ய

ஓடிடியில் ஹிந்தியில் மட்டுமே ...

'சர்வம் மாயா' இயக்குனரின் அடுத்த ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய