Dinamalar

காமெடி நடிகரின் சிறுநீரக மாற்று அறுவை சிகிச்சைக்கு 50 லட்சம் தர பிரபாஸ் வாக்குறுதி

தெலுங்கு திரையுலகில் கடந்த 25 வருடங்களாக நகைச்சுவை மற்றும் வில்லத்தனம் கலந்த கதாபாத்திரங்களில் நடித்து பிரபலமானவர் நடிகர் வெங்கட்ராஜ் என்கிற பிஷ் வெங்கட். தெலுங்கானா பகுதியை சேர்ந்த கடற்கரையோர கிராமங்களில் மீனவர்கள் பேசும் பாஷையில் இவர் வசனம் பேசுவதால் இவருக்கு திரையுலகில் பிஷ் வெங்கட் என்கிற பெயரே நிலைத்து விட்டது.

இந்த நிலையில் சமீப காலமாக சிறுநீரக கோளாறு காரணமாக அவதிப்பட்டு வரும் அவர் சிகிச்சை பெற்று வருகிறார். விரைவில் இவருக்கு சிறுநீரக மாற்று அறுவை சிகிச்சை செய்ய வேண்டும் என்று மருத்துவர்கள் கூறியுள்ள நிலையில் அதற்கு 50 லட்சம் ரூபாய் செலவாகும் என்று சொல்லப்படுகிறது.

பிஷ் வெங்கட்டின் மகள் தந்தையின் உடல்நிலை குறித்து கூறும்போது, “இங்கு சினிமாவில் உள்ள அனைத்து முன்னணி நடிகர்களுடனும் எனது தந்தை இணைந்து பல வருடங்களாக நடித்து வருகிறார். உடல்நிலை பற்றி கேள்விப்பட்ட பிரபாஸ் அவரது உதவியாளரை அனுப்பி வைத்து அது குறித்து விசாரித்தார். சிகிச்சைக்கு 50 லட்சம் வரை செலவாகும் என கேள்விப்பட்டு சிகிச்சைக்கான ஏற்பாடுகளை கவனியுங்கள் அந்த சமயத்தில் அதற்கான செலவுகள் முழுவதையும் நாங்கள் ஏற்றுக் கொள்கின்றோம் என்று பிரபாஸின் உதவியாளர் கூறிவிட்டு சென்றுள்ளார்.

அதேபோல சிரஞ்சீவி, பவன் கல்யாண், அல்லு அர்ஜுன், ஜூனியர் என்டிஆர் போன்ற முன்னணி நட்சத்திரங்கள் என் தந்தைக்கு சிறுநீரக தானம் அளிக்கும் ஒரு நபரை கண்டுபிடித்துக் கொடுத்தால் இன்னும் நன்றாக இருக்கும். அவர்களுடன் பல படங்களில் என் தந்தை இணைந்து நடித்துள்ளார். என் தந்தையை காப்பாற்ற ஒவ்வொருவரிடமும் கேட்டுக்கொள்கிறேன்” என்று கூறியுள்ளார்.

• செய்திகள்
• ஆல்பம்
• வீடியோ
• வந்த படங்கள்
• வரவிருக்கும் படங்கள்

• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்

• 
  ‛காந்தாரா சாப்டர் 1' வெற்றியை ஜெயசூர்யா வீட்டில் கொண்டாடிய ரிஷப் ஷெட்டி
• 
  பிரம்மாண்ட விழா நடத்தி மோகன்லாலை கவுரவித்த கேரள அரசு
• 
  லோகா ஒளிப்பதிவாளருக்கு விலை உயர்ந்த வாட்ச் பரிசளித்த கல்யாணி ...
• 
  நானி படத்தை இயக்கும் ஓஜி இயக்குனர் ; பூஜையுடன் படம் துவங்கியது
• 
  தொடரும் பட இயக்குனரின் சினிமாட்டிக் யுனிவர்ஸில் ஹீரோவாக நடிக்கும் ...