Dinamalar

சிநேகிதியே நடிகைக்காக ஒன்று கூடிய சீனியர் நடிகைகளின் ரீ-யூனியன்

தென்னிந்திய சினிமாவில் அது எந்த மொழியாகட்டும், 80, 90 கால கட்டங்களில் முன்னணி நட்சத்திரங்களாக வலம் வந்தவர்கள் வருடத்திற்கு ஒரு முறை ரியூனியன் என்கிற பெயரில் ஒரு நாள் ஒன்று கூடி தங்களது மகிழ்ச்சியை பகிர்ந்து கொள்வதை வழக்கமாக வைத்திருக்கிறார்கள். இது ஒரு பக்கம் இருக்க கேரளாவிலும் அவ்வப்போது இது போன்ற ரீயூனியன் சில விஷயங்களுக்காக நடக்கிறது. அப்படி மலையாள சினிமாவில் முக்கிய நடிகையாக வலம் வந்தவர் நடிகை சுசித்ரா. தமிழில் சிநேகதியே, காசி, ஏர்போர்ட் உள்ளிட்ட படங்களில் நடித்தவர்.

தற்போது இவர் பல வருடங்களாக சினிமாவை விட்டு ஒதுங்கி குடும்பத்துடன் அமெரிக்காவில் வசிக்கிறார். சமீபத்தில் இவர் கேரளாவுக்கு வருகை தந்துள்ளார், இதை முன்னிட்டு இவரது நட்பு வட்டாரத்தில் உள்ள சீனியர் நடிகைகளான மேனகா, கார்த்திகா, வனிதா, சிப்பி, ஸ்ரீ லட்சுமி மற்றும் சோனா நாயர் ஆகியோர் இந்த நிகழ்வில் கலந்து கொண்டனர். இவர்கள் அனைவரையும் ஒருங்கிணைக்கும் பணியை நடிகை கார்த்திகா (நாயகன் கமல் மகள்) மேற்கொண்டார்.

இந்த சந்திப்பு குறித்து நடிகை சுசித்ரா கூறும்போது, “இரண்டு வருடங்களுக்கு முன்பு லவ்ளீஸ் ஆப் திருவனந்தபுரம் என்கிற வாட்ஸ் அப் குரூப் துவங்கப்பட்டது. அதில் இவர்களுடன் நானும் ஆரம்பத்திலேயே இணைந்தேன். அமெரிக்காவில் இருந்ததால் இவர்கள் அடிக்கடி ஒன்று கூடும் ரீயூனியனில் என்னால் கலந்து கொள்ள முடியவில்லை. அந்த வருத்தம் இருந்தது. முன்பு கேரளா வரும் போதும் இவர்களில் ஒவ்வொருவரை அவ்வப்போது தனித்தனியாக பார்த்துவிட்டு செல்வேன். ஆனால் தற்போது கேரளா வர வேண்டிய வேலை இருந்தபோது அந்த தகவலை நான் தெரியப்படுத்தியதும் எனக்காக இவர்கள் அனைவரும் எனக்காக ஒன்றுகூடி உள்ளார்கள்.. மகிழ்ச்சியாக இருக்கிறது” என்று கூறியுள்ள சுசித்ரா கேரளாவில் 15 நாட்கள் முகாமிட்டுள்ளாராம்.

• 
  சன்னி தியோலை நேரில் சந்தித்த பிரபாஸ்: ‛ஜாட்' படத்திற்கு வாழ்த்து
• 
  பிரித்விராஜ்க்கு வருமான வரித்துறை நோட்டீஸ் ; எம்புரான் படம் காரணம் அல்ல
• 
  ஆஸ்கர் விருது வரை சென்ற 'லபாட்டா லேடீஸ்' படம் கதை காப்பி சர்ச்சையில் ...
• 
  சினிமா ஆனது இந்தியாவின் முதல் மகாத்மாவின் வாழ்க்கை
• 
  பழம்பெரும் ஹிந்தி நடிகர் மனோஜ் குமார் காலமானார்

• 
  விரும்பிய கல்லூரியில் சேர குத்துச்சண்டை பழகிய பிரேமலு ஹீரோ
• 
  புஷ்பா 2 சம்பவம் எதிரொலி ; ஆர்யா-2 ரீ ரிலீஸான தியேட்டர்களில் பலத்த போலீஸ் ...
• 
  என் கேள்விக்கு இன்னும் எம்புரான் தயாரிப்பாளர் பதில் சொல்லவில்லை ; ...
• 
  எம்புரான் படத்திற்கு எந்த அரசியல் அழுத்தமும் தரப்படவில்லை : சுரேஷ் கோபி
• 
  விவாகரத்து பெற்றுவிட்டேன் : வெளிப்படையாக அறிவித்த மம்முட்டி பட பெண் ...