Dinamalar

வெற்றி, தோல்வி சோனாக்ஷிக்கு சகஜமாம்

அக்ஷய் குமாருடன், சோனாக்ஷி சின்கா நடித்த, "ஜோக்கர் படம், தயாரிப்பாளரின் பாக்கெட்டை பதம் பார்த்து விட்டது.இந்த படத்தை தயாரித்த, பாலிவுட்டின் பிரபல டான்ஸ் மாஸ்டர் பாரா கான், சோகத்தில் மூழ்கி இருக்கிறார். "படத்தை விளம்பரப்படுத்தும் வேலைகளில், ஹீரோயின் சோனாக்ஷி சின்கா ஆர்வம் காட்டவில்லை என, புகார் கூறினார், பாரா கான்.

சோனாக்ஷியிடம் கேட்டபோது,"படத்தை விளம்பர படுத்துவதற்காக நடந்த, அனைத்து நிகழ்ச்சிகளிலும், நான் பங்கேற்றேன். இந்த விஷயத்தில், யாரும் என் மீது குற்றம் சாட்ட முடியாது. பாரா கானுடன் எனக்கு எந்தவிதமான கருத்து வேறுபாடும் இல்லை. அவரை, என்னுடைய மூத்த சகோதரியாக நினைக்கிறேன் என்றார். "ஜோக்கர் படத்தின் தோல்வி, உங்களை பாதித்து விட்டதா என, கேட்டபோது, "கண்டிப்பாக இல்லை. ஒரு படத்தின் வெற்றி,தோல்வியால், ஒரு நடிகையின் திரையுலக வாழ்வில் பெரிய பாதிப்பு ஏற்பட போவது இல்லை. இப்போது, என் கவனம் எல்லாம், தீபாவளிக்கு திரைக்கு வரவுள்ள, "சன் ஆப் சர்தார் படத்தின் மீது தான் உள்ளது. கண்டிப்பாக, அந்த படம் ஹிட் ஆகும் என, நம்பிக்கையுடன் கூறுகிறார்.

• இவரை பற்றி
• செய்திகள்
• ஆல்பம்