Dinamalar

என் மகள் நடிக்க வந்ததில் மகிழ்ச்சி : சைப் அலிகான்

நடிகர் சைப் அலிகானின் மகள் சாரா அலி கான், தர்மா புரோடெக்ஷன்ஸ் தயாரிக்கும் புதிய படத்தின் மூலம் நடிக்க வந்துள்ளார். ஆனால் தனது மகள் நடிக்க வந்துள்ளதை சைப் விரும்பவில்லை என கடந்த சில நாட்களாக பாலிவுட்டில் செய்தி பரவி வருகிறது. சமீத்தில் நடந்த செய்தியாளர் சந்திப்பின் போது, இது பற்றி சைப் அலி கானிடம் கேட்கப்பட்டது. அதற்கு பதிலளித்த அவர், இந்த தகவல்கள் முற்றிலும் தவறானது. தர்மா புரோடெக்ஷன்ஸ் மூலம் சாரா நடிக்க வந்துள்ளதால் மிகவும் சந்தோஷப்படுகிறேன். மிகவும் நிம்மதியாகவும் உணர்கிறேன். கடந்த 2 நாட்களாக இது போன்ற பல பிதற்றலான செய்திகளை படித்து வருகிறேன். துவக்கத்திலேயே கரன் ஜோகரின் படத்தில் சாரா நடிப்பது எனக்கு மிகவும் சந்தோஷமாக உள்ளது. அறிமுக நடிகர்களை கையாள்வதில் அவர் திறமை வாய்ந்தவர். அவரிடம் எனக்கு பிடித்த விஷயமும் கூட. கரன் ஜோகர் அவளுக்கு சரியான உடையை, சரியான தோற்றத்தை, பொருத்தமான வேடத்தை கொடுத்துள்ளார். அப்படி இருக்கும் போது நான் ஏன் கவலைப்பட போகிறேன்? என்றார். சைப் அலிகான் தற்போது தான் நடிக்கும் ரங்கூன் படத்தின் வேலைகளில் பிசியாக இருந்து வருகிறார். இப்படம் பிப்ரவரி 24ம் தேதி ரிலீசாக உள்ளது.

• செய்திகள்