Dinamalar

சூரஜ் பஞ்சோலிக்கு பொய் சொல்லத்தெரியாது : சல்மான் கான்

ஹீரோ படத்தின் மூலம், பாலிவுட் திரையுலகில் அறிமுகமாகியுள்ள ஆதித்யா பஞ்சோலியின் மகன் சூரஜ் பஞ்சோலிக்கு, சல்மான் கான் பாராட்டுகளுடன் கூடிய வாழ்த்துக்களை தெரிவித்துள்ளார். சல்மான் கான் தனது தயாரிப்பு நிறுவனத்தின் மூலம், ஹீரோ படத்தை தயாரித்து வருகிறார். இந்த படத்தின் மூலம், சூரஜ் பஞ்சோலி மற்றும் நடிகர் சுனில் ஷெட்டியின் மகள் அதியா ஷெட்டி, பாலிவுட்டில் அறிமுகமாகின்றனர். இதனிடையே, சூரஜ் பஞ்சோலி குறித்து சல்மான் கான் கூறியதாவது, சூரஜ் பஞ்சோலி, நேர்மறை சிந்தனை கொண்டவர். அவருக்கு பொய் சொல்லத்தெரியாதுத. எல்லோரிடத்திலும் அன்பாகவும், மிகுந்த மரியாதையுடனும் நடந்துகொள்பவர் என்று சல்மான் கான் கூறியுள்ளார்.