Dinamalar

சினிமாவாகிறது சரப்ஜித் வாழ்கை: சகோதரியாக நடிக்கிறார் ஐஸ்வர்யாராய்

பாகிஸ்தானில் உளவு பார்த்தாக சரப்ஜித்சிங் என்ற இளைஞர் பாகிஸ்தான் ராணுவத்தால் கைது செய்யப்பட்டு 1990ம் ஆண்டு சிறையில் அடைக்கப்பட்டார். பின்னர் அவருக்கு தூக்கு தண்டனை விதிக்கப்பட்டது. இந்தியா உள்ளிட்ட பல்வேறு நாடுகள் சரப்ஜித் சிங்கை விடுவிக்க போராடியது. சரப்ஜித்சிங்கின் மூத்த சகோதரி தல்பீர் கவுர் தொடர்ந்து போராடினார். கடைசியில் ஒரு வழியாக பாகிஸ்தான் அரசு சரப்ஜித் சிங்க தூக்கு தண்டனையை ரத்து செய்தது. இந்த நிலையில் 2013ம் ஆண்டு மே 2ந் தேதி சரப்ஜித்சிங் பாகிஸ்தான் சிறைக்குள் சக கைதிகளால் அடித்துக் கொல்லப்பட்டார். அவரது மரணம் இன்று வரை மர்மமாக உள்ளது.

தற்போது சரப்ஜித் சிங் வாழ்க்கையை மையமாக கொண்டு இந்திப் படம் ஒன்று தயாராக இருக்கிறது. இதனை ஓமங்குமார் இயக்குகிறார். இதில் சரப்ஜித்சிங்கை காப்பாற்ற போராடிய அவரது அக்கா தல்பீர் கவுராக ஐஸ்வர்யாராய் நடிக்கிறார். இதனை அவர் தனது டுவிட்டரில் உறுதி செய்திருக்கிறார். சரப்ஜித்சிங்காக பிரபல இந்தி நடிகர் ஒருவர் நடிக்க இருக்கிறார். அதுபற்றிய அறிவிப்பு விரைவில் வர இருக்கிறது.

• இவரை பற்றி
• செய்திகள்
• ஆல்பம்