Dinamalar

ரூ.581 கோடி வசூல் பெற்ற 'சாயரா'

மோகித் சூரி இயக்கத்தில், அகான் பாண்டே, அனீத் பட்டா மற்றும் பலர் நடிப்பில் உருவான 'சாயரா' ஹிந்திப் படம் கடந்த ஜூலை 18ம் தேதி வெளியானது. பெரும் வரவேற்பைப் பெற்ற இந்தப் படம் தற்போது 581 கோடி வசூலைக் கடந்துள்ளதாக தயாரிப்பு நிறுவனம் அதிகாரப்பூர்வமாக அறிவித்துள்ளது.

இந்தியாவில் இதுவரையில் வெளிவந்த காதல் படங்களில் அதிக வசூலைக் குவித்த படம் என்று குறிப்பிட்டுள்ளார்கள். உலக அளவில் 581 கோடி வசூல் என்பதில் இந்தியாவில் மட்டும் 412 கோடி, வெளிநாடுகளில் 169 கோடி.

இந்த வருடத்தில் வெளிவந்த படங்களில் 'சாவா' ஹிந்திப் படம் 800 கோடி வசூலைக் குவித்து முதலிடத்தில் உள்ளது. அடுத்து 581 கோடியுடன் இப்படம் இரண்டாவது இடத்தில் உள்ளது. தமிழ்ப் படமான 'கூலி' படம் 525 கோடியைக் கடந்து மூன்றாவது இடத்தில் இருக்கிறது.

புதுமுகங்களை வைத்து எடுக்கப்பட்ட 'சாயரா' படத்தை வெறும் 40 கோடியில் தயாரித்தது யஷ்ராஜ் பிலிம்ஸ் நிறுவனம். அது இதுவரையில் சூலித்துள்ளது 581 கோடி. அதே நிறுவனம் முன்னணி நடிகர்களான ஹிருத்திக் ரோஷன், ஜுனியர் என்டிஆர், கியாரா அத்வானி ஆகியோர் நடிக்க, 300 கோடிக்கும் அதிகமான செலவில் தயாரித்த 'வார் 2' 350 கோடியை மட்டுமே கடந்து நஷ்டத்தைப் பெற வைத்துள்ளது.

• 
  பவழ மல்லி Vs முட்டை கலக்கி - 'யூத்'களுக்குள் கடும் போட்டி
• 
  தோழிகளுடன் பால் விளையாடி கையை முறித்துக் கொண்ட யாஷிகா
• 
  பேஷஸ் ஆப் கர- தனுஷின் கர படத்தின் முன்னோட்ட வீடியோ வெளியீடு
• 
  அண்ணன் வாரிசுகளின் பட பூஜைக்கு வந்து வாழ்த்திய பவன் கல்யாண்
• 
  முன்னணி இயக்குனர்களின் வாட்ஸ் ஆப் குழு ‛ரெய்னா' : அர்த்தம் தெரியுமா?

• 
  வட அமெரிக்காவில் கல்கி 2898 ஏடி படத்தின் வசூல் சாதனையை முறியடித்த துரந்தர் 2
• 
  'காந்தாரா' அவதூறு : சாமுண்டி கோவிலுக்கு சென்று மன்னிப்பு கேட்க ரன்வீர் ...
• 
  துரந்தர் காட்சி : மன்னிப்பு கேட்ட மாதவன்
• 
  சமூக வலைத்தளங்களில் வைரலாகும் கியாரா அத்வானி
• 
  சாய்பல்லவி நடித்த முதல் ஹிந்தி பாடலுக்கு வரவேற்பு