Dinamalar

டிச.,18ல் ஓடிடியில் வெளியாகும் ‛கேர்ள்ஸ் வில் பி கேர்ள்ஸ்'

பல திரைப்பட விழாக்களில் கலந்து கொண்டு விருதுகளையும் பாராட்டையும் பெற்றுள்ள இந்தோ - பிரெஞ்சு திரைப்படம் ‛கேர்ள்ஸ் வில் பி கேர்ள்ஸ்'. புதுமுகங்கள் ப்ரீத்தி பாணிகிரஹி மற்றும் கேசவ் பினோய் கிரண் ஆகியோர் முதன்மை வேடத்திலும், நடிகை கனி குஸ்ருதி ஒரு முக்கிய கதாபாத்திரத்திலும் நடித்துள்ளனர். சுசி தலாதி இயக்கியுள்ளார். நடிகை ரிச்சா சதா மற்றும் நடிகர் அலி பசல் ஆகியோர் இணைந்து தயாரித்துள்ளனர். இதன் படத்தின் டிரைலர் வெளியாகி கவனம் பெற்றுள்ளது.

நடிகை ரிச்சா கூறுகையில், ‛கேர்ள்ஸ் வில் பி கேர்ள்ஸ்' படம் இளமை பருவத்தில் ஏற்படும் பிரச்னைகள், அவர்கள் எதிர்கொள்ளும் சவால்களை எடுத்துச் சொல்லும் படமாக இருக்கும். இளம் வயதினரின் உண்மையான அனுபவங்களைப் படம் பிடித்துக் காட்டும் படம் இது. எங்களின் கனவுத் திட்டத்தின் உலகளாவிய கருப்பொருள் உலகெங்கிலும் உள்ள பார்வையாளர்களிடம் எதிரொலித்தது. சில முக்கிய சர்வதேச திரைப்பட விழாக்களில் அங்கீகாரத்தையும் பெற்றதில் நாங்கள் மகிழ்ச்சியடைகிறோம். இந்தப் படம் இப்போது இந்தியாவில் பிரைம் வீடியோவில் வெளியீட்டுக்குத் தயாராக உள்ளது" என்றார்.

அலி பசல் கூறுகையில், “கேர்ள்ஸ் வில் பி கேர்ள்ஸ் என்பது ரிச்சாவுக்கும் எனக்கும் மிகவும் சிறப்பு வாய்ந்தது, ஏனெனில் இது தயாரிப்பாளர்களாக எங்களின் முதல் திட்டம். நிறைய பேரின் கடின உழைப்பு இந்த படத்தில் உள்ளது. இது ஒரு சிறந்த கற்றல் அனுபவமாக இருந்தது. சர்வதேச பார்வையாளர்களின் வரவேற்பு ஊக்கமளிக்கிறது. இந்த படம் வருகிற டிச., 18ல் டிஜிட்டல் தளமான அமேசான் பிரைம் வீடியோவில் வெளியாகிறது. '' என்றார்.

• 
  அதை மட்டும் சொல்லாதீங்க : இந்திரா படக்குழு
• 
  டைரக்டர் ஆகிறாரா விஜய் சேதுபதி மகன்?
• 
  ரசிகர்கள் கிண்டல் : மன்னிப்பு கேட்ட 'வார் 2' வினியோகஸ்தர்
• 
  'லியோ' மொத்த வசூல் 220 கோடி மட்டும் தானா?
• 
  செப்., 19ல் ‛கிஸ்' ரிலீஸ்

• 
  டிரோல்களுக்கு ஜான்வி கபூர் கொடுத்த விளக்கம்
• 
  அழகுக்கு அனன்யா பாண்டே தரும் ‛டிப்ஸ்'
• 
  சர்ச்சில் ரொமான்ஸ்: ஜான்வி கபூர் படத்திற்கு எதிர்ப்பு
• 
  வார் 2 : 300 கோடி வசூலித்ததாக அறிவிப்பு
• 
  ஜுனியர் என்டிஆரின் 10 வருட தொடர் வெற்றியைப் பறித்த 'வார் 2'