Dinamalar

50 லட்சம் கேட்டு ஷாருக்கானுக்கு கொலை மிரட்டல்

பாலிவுட் நடிகர் சல்மான்கானுக்கு அடிக்கடி மும்பை தாதா குரூப்களிடமிருந்து கொலை மிரட்டல் வரும். அரசு அவருக்கு பாதுகாப்பு அளித்திருந்தாலும் அவரும் தனக்கென்று தனி பாதுகாப்பு படை வைத்திருக்கிறார். சமீபத்தில் 5 கோடி கேட்டு சல்மான்கானுக்கு கொலை மிரட்டல் விடுத்த ராஜஸ்தானை சேர்ந்தவரை போலீசார் கர்நாடகாவில் கைது செய்தனர்.

இந்த நிலையில் ஷாருக்கானுக்கும் கொலை மிரட்டல் வந்துள்ளது. மும்பை பாந்திரா போலீஸ் நிலையத்துக்கு சத்தீஷ்கார் மாநில தலைநகர் ராய்ப்பூரில் இருந்து பைசன் கான் என்பவர் போனில் பேசியுள்ளார். “50 லட்சம் தரவில்லை எனில் நடிகர் ஷாருக்கானை கொலை செய்துவிடுவேன். அவர் தொலைபேசி எண் என்னிடம் இல்லை. அதனால்தான் உங்களிடம் இதனை கூறுகிறேன். நீங்களே வாங்கி கொடுத்து விடுங்கள்” என்று கூறியுள்ளார்.

இந்த கொலை மிரட்டலை அடுத்து பாந்திரா பேண்டு ஸ்டாண்டு பகுதியில் உள்ள ஷாருக்கானின் வீட்டுக்கு பாதுகாப்பு பலப்படுத்தப்பட்டது. இதுகுறித்து வழக்குப்பதிவு செய்த போலீசார், ஷாருக்கானுக்கு கொலை மிரட்டல் விடுத்தவரை பிடிக்க ராய்ப்பூருக்கு விரைந்தனர். கொலை மிரட்டல் விடுக்கப்பட்ட போன் நம்பர் பைசன் கான் என்பவருக்கு சொந்தமானது என்று உறுதியானது. இதையடுத்து ராய்பூர் போலீசார் உதவியுடன் அவரை பிடித்து விசாரித்தனர்.

இதில் அவர் ஒரு வழக்கறிஞர் என்பது தெரியவந்தது. தனது போன் கடந்த வாரம் தொலைந்து விட்டதாகவும், அதன் மூலம் மர்ம ஆசாமி எனது பெயரை பயன்படுத்தி மிரட்டல் விடுத்து இருக்கலாம் என்றும் அவர் போலீசாரிடம் தெரிவித்தார். போலீசார் தொடர்ந்து விசாரணை நடத்தி வருகிறார்கள்.

• 
  ரூ.1.10 கோடி இழப்பீடு கேட்டு மாணவன் போட்ட வழக்கு : அமரன் பட செல்போன் எண் ...
• 
  சூரி படத்தில் இணைந்த தனுஷ் பட நடிகை!
• 
  ஒரு உயிர் பலி : சிறப்புக் காட்சிகளை ரத்து செய்தது தெலங்கானா அரசு
• 
  புஷ்பா 2 - முதல்நாள் வசூல் முதல் கட்டத் தகவல்
• 
  புஷ்பா 2 - அமெரிக்காவில் முதல் நாளில் 4 மில்லியன் வசூல்

• 
  'மகாராஜ்' படத்தில் சர்ச்சை காட்சியில் நடித்தது ஏன்: ஷாலினி பாண்டே ...
• 
  டிச.,18ல் ஓடிடியில் வெளியாகும் ‛கேர்ள்ஸ் வில் பி கேர்ள்ஸ்'
• 
  பாலிவுட்டில் அறிமுகமாகும் பஹத் பாசில்
• 
  ''மனைவியின் பேச்சை கேளுங்க'': கணவன்மார்களுக்கு அட்வைஸ் செய்த அபிஷேக் ...
• 
  நடிப்புக்கு முழுக்கா?: நடிகர் விக்ராந்த் மாஸே திடீர் 'பல்டி'