Dinamalar

பீஸ்ட், கேஜிஎப் 2வுடன் மோதவில்லை: ஷாகித் கபூர்

விஜய் நடித்த பீஸ்ட் படம் வருகிற 13ம் தேதி வெளியாகிறது. 14ம் தேதி யஷ் நடித்த கேஜிஎப் 2 வெளியாகிறது. ஒரே நேரத்தில் இரு பெரிய படங்கள் மோத வேண்டாம் என்று பலரும் கருத்து சொன்ன நிலையில் இரு படத்தின் தயாரிப்பாளர்களும் தங்கள் முடிவில் இருந்து பின் வாங்க விரும்பாததால் இரு படங்களும் வெளிவருவது உறுதியாகி இருக்கிறது.

இரு படங்களும் ஹிந்தியிலும் வெளியாகும் நிலையில் அதே தேதியில் ஷாகித் கபூர், மிர்னால் தாகூர் நடித்த 'ஜெர்ஸி' படமும் வெளியாகிறது. தெலுங்கில் வெளியான ஜெர்ஸி படத்தின் இந்தி ரீமேக் தான் இந்த படம். தெலுங்கில் படத்தை இயக்கிய கெளதம் தான் ஹிந்தியிலும் இப்படத்தை இயக்கி உள்ளார்.

இந்த இரு பெரிய படங்களின் வெளியீட்டால் ஜெர்ஸியின் வசூல் பாதிக்கலாம் என்று கூறப்படுகிறது. இந்த நிலையில் இதுகுறித்து ஷாகித் கபூர் கூறியிருப்பதாவது: எங்கள் படத்தை வெளியிடுவதற்கான சரியான நேரம் இது என்பதால் நாங்கள் வெளியிடுகிறோம். அவர்களும் அதையே சிந்தித்திருப்பார்கள். இரண்டு பெரிய படங்கள் வெளியானாலும், எங்கள் படத்திற்கு ஒரு இடம் இருக்கும்.

நான் விஜய்யின் மிகப்பெரிய ரசிகன். அவருடைய படங்களை விரும்பி பார்ப்பேன். பீஸ்ட் ஒரு அற்புதமான படமாக இருக்கும் என நான் நம்புகிறேன். அதேபோல், கேஜிஎப் 2 மக்கள் மிகவும் விரும்பும் ஒரு படத்தின் தொடர்ச்சியாகும். எல்லா படங்களுக்கும் தியேட்டர்களில் இடம் இருக்கும். ஒவ்வொன்றுக்கும் தனித்தனி மார்க்கெட் இருக்கிறது, நான்கு நாட்கள் விடுமுறை இருக்கிறது. எனவே அனைத்து படங்களும் நன்றாக ஓட வேண்டும். பெரிய படங்கள் ஒன்றாக வருவது பெரிய விஷயம். அதை நாம் நேர்மறையாக பார்க்க வேண்டும். என்கிறார் ஷாகித் கபூர்.

• 
  லவ் இன்ஷுரன்ஸ் கம்பெனி - அப்டேட் கொடுத்த விக்னேஷ் சிவன்
• 
  கார் பந்தய பயிற்சியின்போது மீண்டும் விபத்தில் சிக்கிய அஜித்
• 
  ரீ-ரிலீஸில் சச்சின் படத்தின் முதல் நாள் வசூல் எவ்வளவு
• 
  ரயில் ஜன்னல் கம்பி வழியாக மாளவிகா மோகனனிடம் முத்தம் கேட்ட மர்ம நபர்
• 
  ரெட்ரோ படத்தின் டிரைலரை உருவாக்கிய அல்போன்ஸ் புத்ரன்

• 
  விவாகரத்து நெருங்கிவிட்டது என பதிவு போட்ட ரசிகருக்கு சோனாக்ஷி கொடுத்த ...
• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்