Dinamalar

நமீதாவின் பப்ளிசி(கு)ட்டி ஸ்டண்ட்

நமீதாவுக்கு கையில் ஒரு படம் கூட இல்லை. ஆனால் அவர் அடிக்கிற பப்ளிசி(கு)ட்டி ஸ்டண்டுக்கு அளவே இல்லை. அதற்கென ஒரு தனி மானேஜர் வைத்துக்கொண்டு திட்டமிட்டு தனது செய்தியும், படமும் மீடியாக்களில் வருவது மாதிரி பார்த்துக் கொள்கிறார். கார் பயணம் செய்யும்போது திடீரென்று அழையாத திருமணத்துக்கு சென்று படம் பிடித்து அதையும் செய்தியாக்கி விடுவார். ஏதாவது விழாக்களுக்கு போனால் என்னை ரசிகர்கள் கிள்ளி விட்டார்கள் என்று அதிரடியாக உள்ளூர் மீடியாக்களுக்கு தீனி கொடுப்பார். கூட்ட நெரிசலில் ஒருவர் இறந்து விட்டால், நமீதாவை பார்க்க முடியாத ஏக்கத்தில் ரசிகர் சாவு என செய்தி பறக்கும். திடீரென இணைய தளத்தில் அதிகம் தேடப்படும் பெண் நமீதாதான் என்ற புள்ளி விபரம் மீடியாக்களுக்கு தரப்படும், இதுதவிர எந்த விழாவில் கலந்து கொண்டாலும் படு கவர்ச்சியாக உடை அணிந்து பிளாஷ் வெளிச்சத்தில் குளித்துக் கொள்வார். இந்த வரிசையில் இப்போது ஜப்பான் டி.வி ஒன்று நமீதாதான் இந்திய பெண்களில் அழகு என்று ஒரு செய்தியை தட்டி விட்டிருக்கிறார் நமீதா.

தன்னை எப்படி விளம்பரப் படுத்திக் கொள்வது என்று நமீதா ஒரு புத்தகமே எழுதலாம். அத்தனை திட்டங்கள் அவர் கைவசம் இருக்கிறது.

• செய்திகள்
• ஆல்பம்