Dinamalar

'காதல் கோட்டை' 25வது ஆண்டு சந்திப்பு : அஜித் கலந்து கொள்வாரா ?

சிவசக்தி மூவி மேக்கர்ஸ் சிவசக்தி பாண்டியன் தயாரிப்பில், அகத்தியன் இயக்கத்தில், தேவா இசையமைப்பில், அஜித், தேவயானி மற்றும் பலர் நடித்து ஜுலை 12, 1996ம் ஆண்டு வெளிவந்த படம் 'காதல் கோட்டை'.

தமிழ் சினிமாவில் அஜித்திற்கு ஒரு ஹீரோவாக மிகப் பெரும் திருப்புமுனையைக் கொடுத்த படம் இது. அப்படம் வெளிவந்து 25 ஆண்டு முடியப் போகிறது. அதைக் கொண்டாடும் வகையில் படத்தின் தயாரிப்பாளர் சிவசக்தி பாண்டியன் இன்று 'காதல் கோட்டை' படக்குழுவினருக்காக சிறப்பு சந்திப்பு ஒன்றை ஏற்பாடு செய்துள்ளார். அதில் அஜித் கலந்து கொள்வாரா என்பது குறித்து எந்தத் தகவலும் இல்லை.

இந்த சந்திப்பு பற்றி 'காதல் கோட்டை' படத்தின் ஒளிப்பதிவாளரான தங்கர் பச்சான் அவரது முகப்புத்தகத்தில் , "காதல் கோட்டை" திரைப்படம் வெளியாகி நாளையுடன் 25 ஆண்டுகள் நிறைவடைகின்றன. நான் ஒளிப்பதிவாளராக பணியாற்றிய எட்டாவது படம். படத்தை உருவாக்க எங்கள் குழு பணியாற்றிய நாட்களை பின்னோக்கி அசை போடுகின்றேன். நாளை காலை பதினோரு மணி அளவில் தொழில்நுட்பக் கலைஞர்கள், நடிப்புக் கலைஞர்கள் சந்திப்பை நான் வணங்கும் நண்பர், தயாரிப்பாளர் திரு. சிவசக்தி பாண்டியன் அவர்கள் ஏற்பாடு செய்திருக்கிறார். மீண்டும் பழைய நண்பர்களுடன் பழைய நாட்களுக்குச்சென்று உரையாடி கலந்து மகிழும் அந்நேரத்திற்காகக் காத்திருக்கிறேன்,” என பதிவிட்டுள்ளார்.

'காதல் கோட்டை' படத்திற்குப் பிறகு அப்படத்தின் தயாரிப்பாளரின் தயாரிப்பிலோ, இயக்குனர் அகத்தியன் இயக்கத்திலோ அஜித் மீண்டும் நடிக்கவேயில்லை.

• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்
• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்
• 
  காதலில் கரைபவர் வெகு சிலரே : தனுஷின் ‛தேரே இஷ்க் மே' டீசர் வெளியீடு

• 
  பிரேம் குமார், பஹத் பாசில் படம்... "இன்னொரு ஆவேசம்" தயாரிப்பாளர் தந்த ...
• 
  அருள்நிதி, முத்தையா கூட்டணியில் ‛ராம்போ'.. புதிய பட அறிவிப்பு!
• 
  ‛ஜனநாயகன்' படத்தின் முதல் பாடல் வெளியீட்டை தள்ளி வைக்கும் விஜய்!
• 
  ‛காந்தாரா: சாப்டர் 1' படத்திற்காக 3 ஆண்டுகள் அர்ப்பணிப்பு: ரிஷப் ஷெட்டி
• 
  கல்கி -2 படத்தில் தீபிகா படுகோனேவுக்கு பதிலாக இணையும் சாய் பல்லவி!