திரையுலகில் 12 ஆண்டுகளை நிறைவு செய்த சிவகார்த்திகேயன்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

03 பிப், 2024 - 10:44 IST

எழுத்தின் அளவு:

வாரிசுகள் நிறைந்த சினிமாவில் தனது திறமையால், முயற்சியால் நுழைந்து முன்னணி நடிகர்களில் ஒருவராக இன்றிருப்பவர் சிவகார்த்திகேயன். 2012ம் ஆண்டு பிப்ரவரி 3ம் தேதி வெளியான 'மெரினா' படத்தின் மூலம் கதாநாயகனாக தமிழ் சினிமாவில் அறிமுகமானார். அடுத்த ஒரு சில வருடங்களிலேயே பலரின் மனம் கவர்ந்த நடிகராக உயர்ந்தார். இன்றுடன் சிவகார்த்திகேயன் திரையுலகிற்கு வந்து 12 ஆண்டுகள் நிறைவடைந்துள்ளது.

இந்த 12 ஆண்டுகளில் 20 தமிழ்ப் படங்களில் நடித்து முடித்துள்ளார். இவற்றில் “எதிர் நீச்சல், வருத்தப்படாத வாலிபர் சங்கம், மான் கராத்தே, ரஜினி முருகன், காக்கி சட்டை, நம்ம வீட்டுப் பிள்ளை, டாக்டர், டான்,” ஆகிய படங்கள் வியாபார ரீதியாக குறிப்பிடத்தக்க வெற்றிப் படங்களாக அமைந்தது. “மனம் கொத்திப் பறவை, கேடி பில்லா கில்லாடி ரங்கா, ரெமோ, வேலைக்காரன், மாவீரன், அயலான்” ஆகிய படங்கள் பெரிய வெற்றியைப் பெறவில்லை என்றாலும் அந்தப் படங்களில் சிவகார்த்திகேயனின் கதாபாத்திரமும், அவரது நடிப்பும் குறிப்பிடும்படியாகவே இருந்தது.

அவரது 21வது படமாக கமல்ஹாசன் தயாரிப்பில், ராஜ்குமார் பெரியசாமி இயக்கத்தில் நடித்து வரும் படத்தின் படப்பிடிப்பு நடந்து வருகிறது. இன்றைய பிறந்தநாளில் அந்தப் படம் குறித்து ஏதும் அப்டேட் வருமா என அவரது ரசிகர்கள் காத்திருக்கிறார்கள்.

இன்றைய போட்டி நிறைந்த உலகத்தில் சக போட்டியாளர்களை முந்திக் கொண்டு முன்னணிப் பாதையில் சென்று கொண்டிருக்கிறார். அதே சமயம் தனது இமேஜ் மீதும் கவனம் செலுத்த வேண்டிய அவசியத்தை இத்தனை வருட சினிமா அனுபவம் அவருக்குப் புரிய வைத்திருக்கும்.

Sivakarthikeyan

12YearsofSelfMadeStarSK

கருத்துகள் (0) கருத்தைப் பதிவு செய்ய

சிம்பு 48ல் இரண்டு சிம்பு...! - போஸ்டர் ...

விஷால், லைகா நிறுவனத்தின் வரவு செலவு ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய