கலர்ஸ் தமிழில் தெலுங்கு டப்பிங் படங்கள் ஒளிபரப்பாகிறது

01 அக், 2021 - 07:13 IST

0 கருத்துகள் கருத்தைப் பதிவு செய்ய

எழுத்தின் அளவு:

கலர்ஸ் தமிழ் சேனல் வருகிற ஞாயிற்கிழமை (அக் 3) சண்டே சினி காம்போவில் தெலுங்கில் வெற்றி பெற்ற இரண்டு படங்களை டப் செய்து ஒளிபரப்புகிறது. பகல் 12 மணிக்கு அசோக் தி லயன் என்ற படத்தை ஒளிபரப்புகிறது. இந்த படம் சுரேந்தர் ரெட்டி இயக்கத்தில் 2006 ஆம் ஆண்டு வெளிவந்த ரொமான்டிக் - ஆக்ஷன் கலந்த திரைப்படமாகும். ஜுனியர் என்டிஆர், சமீரா ரெட்டி, பிரகாஷ் ராஜ் மற்றும் சோனு சூட் உள்பட பலர் நடித்திருக்கிறார்கள்.

அசோக் என்ற இளைஞன் (ஜுனியர் என்டிஆர் ), அவனது பாட்டியின் இறப்பிற்கு காரணமானவன் என்று பழி சுமத்தப்பட்ட பிறகு அதிலிருந்து எப்படி மீண்டான் என்பதைச் சுற்றி நகரும் கதை. திறமை வாய்ந்த ஒரு டான்சரான அஞ்சலி (சமீரா ரெட்டி) வில்லன் சோனு சூட்டுக்கு எதிராக கோர்ட்டில் சாட்சி சொல்லி சிக்கலில் மாட்டிக் கொள்ள அவரை அசோக் எப்படி மீட்கிறார் என்கிற கதை.

மாலை 3.30 மணிக்கு ராஜசிங்கம் என்ற படம் ஒளிபரப்பாகிறது. இயக்குனர் கே.வி. விஜயயேந்திர பிரசாத்தின் இயக்கத்தில் 2011ம் ஆண்டு வெளிவந்த படம், இதில், நாகார்ஜுனா, ஸ்நேகா மற்றும் பேபி ஆனி ஆகியோர் முக்கிய கதாபத்திரங்களில் நடித்திருக்கின்றனர். இது வரலாற்று காலகட்ட கதை. மல்லம்மா என்ற ஆதரவற்ற சிறுமி பாடும் திறன் கொண்டவள். ஆனால் அவள் பாடுவதற்கு தடை போடுகிறார்கள். அவளுக்கு பாடல் ஆசிரியராக வருகிற நாகார்ஜுனா அவளுக்கு முறைப்படி சங்கீதம் கற்றுக் கொடுத்து அவளை எதிர்ப்புகளை மீறி எப்படி பாட வைக்கிறார் என்பது கதை.

Colorstamil

கருத்துகள் (0) கருத்தைப் பதிவு செய்ய

பேரழகி பவித்ரா ஜனனியின் லேட்டஸ்ட் ...

இந்த சீரியல் நடிகைக்கு திருமணமா?

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய