Dinamalar

சூப்பரான சுதந்திர தின விழா : ஜீ தமிழில் என்ன ஸ்பெஷல்

தமிழ் சின்னத்திரையில் பிரபலமான தொலைக்காட்சி சேனல்களில் ஒன்றாக இருந்து வருகிறது ஜீ தமிழ். சுதந்திர தின விழாவான ஆகஸ்ட் 15-ல் ஜீ தமிழ் தொலைக்காட்சியில் என்னென்ன ஸ்பெஷல் நிகழ்ச்சிகள் ஒளிபரப்பாக உள்ளன? என்பது குறித்த தகவல்கள் வெளியாகியுள்ளன.

காலை 9 மணிமுதல் 10.30 மணிவரை சுகிசிவம் தலைமையில் இளைய தலைமுறைக்கு சுதந்திரத்தின் அருமை தெரிந்திருக்கிறது, தெரியவில்லை என்ற தலைப்பில் சிறப்பு பட்டிமன்றம் ஒளிபரப்பாக உள்ளது. இந்தபட்டிமன்றத்தில் பர்வீன் சுல்தானா, மோகன சுந்தரம், சாந்தமணி, ஷியாம்லா ரமேஷ்பாபு, ஆர்ஜே அனந்தி, சுந்தர ஆவுடையப்பன் ஆகியோர் பங்கேற்கின்றனர்.

காலை10.30 மணிக்கு சிறப்பு திரைப்படமாக கோஷ்டி ஒளிபரப்பாக உள்ளது. இதில் காஜல் அகர்வால், ஊர்வசி, ராதிகா, யோகிபாபு, தேவதர்ஷினி, ரெடின்கிங்ஸ்லி, மனோபாலா, மயில்சாமி, உட்பட பலர் இணைந்து நடித்துள்ளனர். இருபது வருடத்துக்குமுன் தன் தந்தையிடமிருந்து தப்பி சென்ற ரவுடியை கைது செய்ய துடிக்கிறார் இன்ஸ்பெக்டர் காஜல் அகர்வால். ஒருகட்டத்தில் அவன் கையில் பிடிபட்டும் தப்பிச் செல்கிறான். அவனை துரத்திச் செல்லும்போது மர்மநபர் ஒருவனை சுட்டு விடுகிறார் காஜல். அதன்பின் நடப்பது என்ன என்பதை காமெடி, பேய் கலாட்டவுடன் பேசும் படம் தான் கோஷ்டி.

மதியம் 1.30 மணி முதல் 4.30 மணிவரை கவுதம் கார்த்திக், விஜய்டிவி புகழ், ரேவதி ஷர்மா, ரிச்சர்ட் ஹஸ்டன், போஸ் வெங்கட், நீலிமாராணி, ஜேசன்ராவ், மதுசூதனன்ராவ் ஆகியோர் நடிப்பில் வெளியாகி பெரும் வெற்றியை பெற்ற ஆகஸ்ட்16, 1947 என்ற திரைப்படம் ஒளிபரப்பாகஉள்ளது.

பிரிட்டிஷ் அதிகாரியான ராபர்ட் கிளைவ் திருநெல்வேலியை அடுத்துள்ள செங்காடு கிராமத்தில் இருக்கும் மக்களை கொத்தடிமைகளாக வைத்து வேலை வாங்கி வர நாட்டிற்கு சுதந்திரம் கிடைக்கிறது. ஆனால் இந்த தகவலை மக்களுக்கு சொல்லாமல் மறைந்து தொடர்ந்து வேலை வாங்கி கொடுமைப்படுத்தி வர அதன்பிறகு என்ன நடக்கிறது? கவுதம் கார்த்திக் என்ன செய்கிறார் என்பது தான் இந்தபடத்தின் ஒன்லைன்.

இதனைத்தொடர்ந்து 4.30 மணி முதல் 6.00 மணி வரை ஆவுடையப்பன் தொகுத்து வழங்கி வரும் தமிழா தமிழாவின் சிறப்பு நிகழ்ச்சி ஒளிபரப்பாகி உள்ளது. சமைக்க தெரியாத பெண்கள் Vs சமைக்க தெரிந்தவர்கள் என சீரியல் பிரபலங்கள், யு-டியூப் சேனலில் குக்கிங் வீடியோக்களை வெளியிட்டு பிரபலமானவர்கள் என பலர் பங்கேற்க உள்ளனர்.

புத்தம் புதிய திரைப்படங்கள், மாறுபட்ட நிகழ்ச்சிகளுடன் இந்த சுதந்திர தினத்தை உங்கள் ஜீ தமிழ் தொலைக்காட்சியுடன் கொண்டாடி மகிழுங்கள்.

• 
  கங்கனா ரணாவத் சொத்து மதிப்பு எவ்வளவு?
• 
  சரோஜினி நாயுடுவாக நடிக்கும் மலிஷ்கா
• 
  சல்மான்கான் மன்னிப்பு கேட்டால் பரிசீலனை செய்ய தயார் : பிஸ்னாய் சமூகம் ...
• 
  புத்தகத்திற்கு பைபிள் பெயர் : கரீனா கபூருக்கு உயர் நீதிமன்றம் நோட்டீஸ்
• 
  'மைதான்' படம் தோல்வி : தயாரிப்பாளர் போனி கபூர் விளக்கம்

• 
  ஆர்த்தி சுபாஷுக்கு திருமணமா?
• 
  விரைவில் வெளியாகும் திகில் தொடர்
• 
  சக நடிகை விபத்தில் மரணம்! வருத்தத்தில் மாரி ஹீரோயின்
• 
  சின்னத்திரை இயக்குனர்கள் சங்கத் தலைவராக மங்கை அரிராஜன் வெற்றி
• 
  புதிய டான்ஸ் ஸ்டூடியோ தொடங்கினார் கிகி சாந்தனு