Dinamalar

தொடரும் போஸ்டர் திருட்டு - அதற்காக இப்படியா

ஹாலிவுட், கொரியன் படங்களை காப்பியடித்து இந்தியாவில் தமிழ் உள்ளிட்ட பல மொழிகளில் படங்கள் எடுக்கப்பட்டுள்ளன. சில படங்கள் உரிமம் பெற்றும், பல படங்கள் உரிமம் இன்றியும் எடுக்கப்பட்டுள்ளன. ஆனால் சமீபகாலமாக பிரபலமான படத்தின் போஸ்டர்களை கூட இப்படி திருடியோ, அல்லது காப்பி அடித்தோ வெளியிட்டு வருகிறார்கள். தமிழ் சினிமாவில் கதைக்கு பஞ்சம், டைட்டிலுக்கு பஞ்சம் நிலவுவது போல போஸ்டர் டிசைனுக்கும் பஞ்சம் ஏற்பட்டிருக்கிறது.

அதற்கு சமீபத்திய உதாரணம் பேய் மாமா பட போஸ்டர். வடிவேலு நடிப்பதற்காக எழுதிய கதையை அவரால் நடிக்க முடியாத காரணத்தால் இயக்குனர் ஷக்தி சிதம்பரம் யோகிபாபுவை வைத்து எடுத்துள்ளார். பாக்யா சினிமாஸ் பட நிறுவனம் தயாரிப்பில் உருவாகியுள்ள இந்த படத்தில் யோகி பாபுவுடன் ரேஷ்மா, ரமேஷ் கண்ணா, இமான் அண்ணாச்சி, வையாபுரி உள்ளிட்ட பலர் நடித்துள்ளனர்.

இந்தப் படத்தின் அனைத்துப் பணிகளும் முடிந்து வருகிற 24ம் தேதி தியேட்டரில் வெளியாகிறது. இந்தப் படத்தின் வெளியீட்டுத் தேதி அறிவிப்புக்கு வெளியிடப்பட்ட போஸ்டர் சில வருடங்களுக்கு முன்பு இந்தியில் வெளிவந்த பூட் படத்தின் அப்பட்டமான காப்பி. இந்தி போஸ்டரில் உள்ள நாயகனின் தலைக்கு பதிலாக யோகி பாபுவின் தலையை வைத்தும் மற்ற நடிகர்களின் படங்களை இணைத்தும் இதனை வெளியிட்டுள்ளனர். இதனை இணையதளத்தில் கிண்டல் செய்துள்ளனர்.

• 
  விவாகரத்து நெருங்கிவிட்டது என பதிவு போட்ட ரசிகருக்கு சோனாக்ஷி கொடுத்த ...
• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்

• 
  எனக்கும் ஒரு எதிர்காலம் உள்ளது... வதந்தி பரப்பாதீங்க : பவித்ரா லட்சுமி
• 
  பிரியங்கா மோகனின் துருக்கி கனவு நனவானது
• 
  லவ் இன்ஷுரன்ஸ் கம்பெனி - அப்டேட் கொடுத்த விக்னேஷ் சிவன்
• 
  கார் பந்தய பயிற்சியின்போது மீண்டும் விபத்தில் சிக்கிய அஜித்
• 
  ரீ-ரிலீஸில் சச்சின் படத்தின் முதல் நாள் வசூல் எவ்வளவு