Dinamalar

முருங்கைக்காய் சிப்ஸ் - அடல்ட் படம் கிடையாது : சாந்தனு

அறிமுக இயக்குனர் ஸ்ரீஜர் என்பவர் இயக்கத்தில் சாந்தனு, அதுல்யா ரவி நடிப்பில் முருங்கைக்காய் சிப்ஸ் திரைப்படம் உருவாகியுள்ளது. பாக்யராஜ், யோகிபாபு, மனோபாலா, பிக்பாஸ் ரேஷ்மா, மதுமிதா உள்ளிட்ட பலரும் இந்தப் படத்தில் நடித்துள்ளனர். இந்தப் படத்தை லிப்ரா புரொடக்சன்ஸ் ரவீந்தர் சந்திரசேகர் தயாரித்ததுடன் நடிக்கவும் செய்துள்ளார்.

முருங்கைக்காய் சிப்ஸ் படத்தின் ஆடியோ வெளியீட்டு விழாவில் சாந்தனு, அதுல்யா, மிர்ச்சி சிவா, யோகிபாபு, ரவீந்தர் சந்திரசேகர், ஸ்ரீஜர், தருண் குமார் உள்ளிட்ட பலர் கலந்துகொண்டனர்.

சாந்தனு பேசும்போது : இந்தப் படம் பார்க்கும் போது லாஜிக் இல்லாமல் பார்த்தால் ரெண்டு மணி நேரம் நல்லா குடும்பத்தோட உட்கார்ந்து சிரிக்கலாம். இந்தப் படம் அடல்ட் படம் என்று நிறைய பேர் பரப்பிக் கொண்டிருக்கிறார்கள். அப்படி கிடையாது. இது குடும்பத்துடன் உட்கார்ந்து பார்க்கக் கூடிய எண்டெர்டெயின்மெண்ட் படம். ஒருத்தர் ஜெயிக்கனும் என்றால் அவர் மட்டுமே நினைத்தால் மட்டும் போதாது. குறைந்தது 10 பேராவது நினைக்க வேண்டும். நீங்கள் அதை செய்வீர்கள் என்ற நம்பிக்கை உள்ளது" என்று பேசினார்.

அதுல்யா ரவி பேசிய போது, "சாந்தனு மிகவும் இனிமையான நடிகர். படப்பிடிப்பில் இருக்கும் போது சில சில குறிப்புகள் கொடுப்பார். படப்பிடிப்பு முடிந்ததும் இருவரும் ஒருவரை ஒருவர் கலாய்த்து கொள்வோம். எப்போதும் ஊக்குவிக்கும் வகையில் பேசக்கூடியவர். கண்டிப்பாக இந்த படம் உங்களுக்கு திருப்புமுனையாக இருக்கும். இந்த படம் கண்டிப்பா முழுவதுமாக நகைச்சுவை கலாட்டா நிறைந்த படமாக இருக்கும். நான் படம் முழுக்க பார்க்கவில்லை ஆனால் டப்பிங் செய்தும் மிகவும் ரசித்து செய்தோம். " என்று கூறினார்.

• 
  ஜோதிகாவின் ஹிந்தி படம் 'சிஸ்டம்' : 22ம் தேதி ஓடிடியில் வெளியாகிறது
• 
  உயரம் காரணமாக பல வாய்ப்புகளை இழந்தேன் ; அஜித் பட நாயகி வருத்தம்
• 
  மோசமான தோல்வியை சந்தித்த 'ஏக் தின்'
• 
  'திரிஷ்யம் 3' ஹிந்தியில் வேறு மாதிரி இருக்கும் ; இயக்குனர் அபிஷேக் பதக்
• 
  மே 14ல் நெட்பிளிக்சில் வெளியாகும் 'துரந்தர்-2'

• 
  ஆதிக் ரவிச்சந்திரன், ஐஸ்வர்யா தம்பதிக்கு ஆண் குழந்தை
• 
  குழந்தை நட்சத்திரத்துக்கான விருதை குழந்தையுடன் வந்து வாங்குறாங்க: ...
• 
  விஜய் மேனேஜர் குறித்து நடிகை ஓவியா அதிரடி பதிவு
• 
  டிமாண்டி காலனி 6 பாகங்கள் வரை வரும் : இயக்குனர் தகவல்
• 
  'தி பாரடைஸ்' மறு படப்பிடிப்பா? : தயாரிப்பு தரப்பு மறுப்பு