Dinamalar

தனுஷைப் பார்த்து வியக்கும் 'த கிரே மேன்' எழுத்தாளர்

தமிழ் நடிகரான தனுஷ் ஹாலிவுட்டின் புகழ் பெற்ற இயக்குனர்களான ரூசோ பிரதர்ஸ் இயக்கத்தில் 'த கிரே மேன்' என்ற படத்தில் நடிக்க உள்ளார். அப்படத்தில் நடிப்பதற்காக ஹாலிவுட் சென்றுள்ளார் தனுஷ். படப்பிடிப்பு முடியும் வரை மூன்று மாத காலம் அங்கேயே இருப்பார் எனத் தகவல்.

மார்க் கிரீனி எழுதிய 'த கிரே மேன்' என்ற நாவல்தான் திரைப்படமாக உருவாக உள்ளது. சமீபத்திய பேட்டி ஒன்றில் தனுஷைப் பற்றி மார்க் கிரீனி வியப்புடன் பேசியுள்ளார்.

“தனுஷை இந்தப் படத்திற்காக ஒப்பந்தம் செய்த போது எனக்கு அவரைப் பற்றித் தெரியாது. அவர் இப்படத்தின் நாயகர்களில் ஒருவராக நடிக்க உள்ளார். எனக்கு டுவிட்டரில் 6000 பாலோயர்கள் தான் இருக்கிறார்கள். அது ஒன்றும் சிறப்பானதல்ல. தனுஷ் என்னை இப்போது டுவிட்டரில் பின்தொடர்கிறார். அவருக்கு 9.7 மில்லியன் பாலோயர்கள் இருக்கிறார். அது எவ்வளவு சிறப்பானது. அவருடைய வீடியோக்கள் சிலவற்றைப் பார்த்தேன். அவரை 'த கிரே மேன்' படத்தில் பார்க்க மிகவும் ஆவலாக உள்ளேன்,” எனத் தெரிவித்துள்ளார்.

தமிழைக் கடந்து ஹிந்தி, பிரெஞ்ச் படங்களில் நடித்த தனுஷ், 'த கிரே மேன்' படத்தின் மூலம் உலகப் புகழைப் பெறுவார் என்பதில் சந்தேகமில்லை. அவருடைய 'ரௌடி பேபி' மற்றும் 'ஒய் திஸ் கொவெறி' ஆகிய பாடல்கள் அவரை உலக அளவில் கொண்டு போய் சேர்த்துள்ளது.

• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி

• 
  அவதூறு பரப்பாதீங்க; ரஹ்மான் அற்புதமானவர் - சாய்ரா பானு ஆடியோ வெளியீடு
• 
  சூர்யா 44வது படத்தின் புரமோஷனை தொடங்கிய கார்த்திக் சுப்பராஜ்
• 
  விவசாயிகளுக்கு விருந்து கொடுத்த நடிகர் விஜய்!
• 
  சொர்க்கவாசல் வெளியான பிறகு கைதி-2 கதையை மாற்றுவேன்! -லோகேஷ் கனகராஜ்
• 
  தைரியம் காட்டும் அரசியல்வாதி விஜய்: மடோனா சிறப்பு பேட்டி