Dinamalar

'மாஸ்' டீசர் - 10 லட்சம் ஹிட்ஸ்

அஜித், விஜய் வரிசையில் அவர்களுக்கு அடுத்து சூர்யாதான் இருக்கிறார் என்பதை சமூக வலைத்தளங்களில் உள்ள வரவேற்பை வைத்தே புரிந்து கொள்ளலாம் யூடியூப், டுவிட்டர், ஃபேஸ்புக் ஆகிய வலைதளங்களில் அஜித் மற்றும் விஜய் படங்களின் டீசர் அல்லது டிரைலர் வெளியானால் என்ன ஒரு வரவேற்பு இருக்கிறதோ அதே அளவிற்கு சூர்யாவின் படத்திற்கும் இருக்கிறது. இது பிடிக்காமல்தான் சூர்யா நடித்த 'அஞ்சான்' படம் வெளிவந்த போது அஜித், விஜய் ரசிகர்கள் இருவருமே திட்டமிட்டு 'அஞ்சான்' படத்தைப் பற்றி தவறான தகவல்களை சமூக வலைத்தளங்களில் பரப்பி, அந்தப் படத்தை தோல்வியடைச் செய்தனர் என்று திரையுலகத்திலும் ஒரு பரவலான பேச்சு இருக்கிறது.

இப்போது 'மாஸ்' படத்தின் டீசரும் இரண்டே நாளில் 11 லட்சம் ஹிட்ஸ்களை யூடியூபில் கடந்துள்ளது. உண்மையிலேயே ஒரு பரபரப்பான டீசராக இந்தப் படம் இருப்பதை இப்போதும் அஜித், விஜய் ரசிகர்களால் ஏற்றுக் கொள்ள முடியவில்லையோ என சமூக வலைத்தள பயன்பாட்டாளர்கள் கருதுகிறார்கள். ஏனென்றால், இந்த டீசருக்கும் அவர்கள் கடுமையான கமெண்ட்டுகளைப் போட்டு வருகிறார்கள். 11 லட்சம் பேர் ஒரு டீசரைப் பார்க்கிறார்கள் என்றால் பலரும் அது எப்படியிருக்கும் என்ற ஆசையில் பார்ப்பதுதான் அந்த அளவிற்கு ஹிட்ஸ் வரக் காரணமாக அமைகிறது.

இப்படி ஒரு வரவேற்பு சூர்யாவிற்குக் கிடைப்பதை, அஜித், விஜய் ரசிகர்களால் ஏற்றுக் கொள்ள முடியாததன் விளைவே அப்படிப்பட்ட கமெண்ட்டுகள் என்றும் சொல்கிறார்கள். சமூக வலைத்தளங்களில் இப்படி ரசிகர்களுக்குள் அடித்துக் கொள்வது சினிமாவிற்கு நல்லதல்ல என்பதுதான் திரையுலகத்தினரின் கருத்தாக அமைந்துள்ளது.

• இவரை பற்றி
• செய்திகள்
• ஆல்பம்