பிளாஷ்பேக்: எம்ஜிஆரை புகழ்ந்து பாடிய சிவாஜி

19 மார், 2026 - 10:53 IST

0 கருத்துகள் கருத்தைப் பதிவு செய்ய

எழுத்தின் அளவு:

தனிப்பட்ட முறையில் நட்பாக இருந்தாலும் எம்ஜிஆரும், சிவாஜியும் சினிமாவில் எதிரெதிர் துருவங்களாக இருந்தார்கள். எம்ஜிஆர் படத்ததிற்கென்று தனி தயாரிப்பாளர்களும், இயக்குனர்களும் இருந்தார்கள். அதில் முக்கியமானது எம்ஜிஆர் படங்களை தயாரித்த ஆர்.எம்.வீரப்பனின் சத்யா மூவீஸ் நிறுவனம்.

எம்ஜிஆரின் மறைவிற்கு பிறகு சத்யா மூவீஸ் சிவாஜியை வைத்து தயாரித்த படம் 'புதிய வானம்'. இந்த படத்தை ஆர்.வி.உதயகுமார் இயக்கினார். அவரே பாடல்களையும் எழுதினார். படத்தில் சிவாஜி பாடுவதாக ஒரு பாடலை எழுதிய உதயகுமார் அதை ஆர்.எம்.வீரப்பனிடம் காட்டினார். அதை படித்து பார்த்த வீரப்பன் அதிர்ச்சி அடைந்தார் அந்த பாடலில் “எளிமையும், பொறுமையும் உன்னை புரட்சித் தலைவனாக்கும்” என்று எழுதப்பட்டிருந்தது. இந்த வரிகளை சிவாஜி ஒப்புக் கொள்வாரா? எதற்கும் அவரிடம் காட்டி ஒப்புதல் பெற்று விடுங்கள் என்று கூறிவிட்டார் வீரப்பன்.

அதன்படியே சிவாஜியை சந்தித்து பாடல் வரிகளை படித்து காட்டினார், ஆர்.வி.உதயகுமார். ஒருவேளை சிவாஜி இந்தப் பாடல் வரிகளை விரும்பாவிட்டால், அதற்கு மாற்றாக வேறு பாடல் வரிகளையும் தயாராக வைத்திருந்தார்.

பாடலை சிவாஜியிடம் பாடிக் காட்டினார். எம்ஜிஆர் பற்றிய வரிகள் வரும்போது சிவாஜி முகத்தில் எவ்வித மாற்றமும் இல்லை. பாடல் முழுவதும் முடிந்ததும், 'புரட்சித் தலைவனாக்கும் உன்னை” என்று எழுதியிருக்கிறாயே, அப்படி எழுதும்படி வீரப்பன் சொன்னாரா?' என்று கேட்டார். 'இல்லை. நானாகத்தான் எழுதினேன் அவர் தங்களிடம் ஒப்புதல் பெறச் சொன்னார்' என்று உதயகுமார் கூறினார். 'இந்தப் பாடலை நான் பாடவேண்டும். அவ்வளவுதானே? தாராளமாகப் பாடுகிறேன். அண்ணன் மறைந்து விட்டார். அவர் புகழைப் பாடுவதற்குக் கொடுத்து வைத்திருக்க வேண்டும்' என்று சிவாஜி கூறினார்.

அந்தப்பாடல் காட்சி படப்பிடிப்பின்போது, எம்.ஜி.ஆர் ஸ்டைலில் விரலைக் காட்டி நடிக்க வேண்டும் என்றார் ஆர்.வி.உதயகுமார். அதேபோல நடித்தார் சிவாஜி.

Flashback

Sivaji

MGR

Puthiya Vaanam

கருத்துகள் (0) கருத்தைப் பதிவு செய்ய

'ஜனநாயகன்' எப்போது வெளியாகும்?

பிளாஷ்பேக்: சார்லி சாப்ளின் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய