Dinamalar

சென்னையும்... ‛கப்புள் பிரண்ட்லி' படமும் : இயக்குனர் அஷ்வின் பேட்டி

சமீபத்தில் தெலுங்கில் வெளியாகி வெற்றிகரமாக ஓடிக் கொண்டிருக்கும் படம் ‛கப்புள் பிரண்ட்லி'. இந்த படத்துக்கும், சென்னைக்கும் நெருங்கிய தொடர்பு உள்ளது. தெலுங்கு படமாக இருந்தாலும் படத்தின் கதை சென்னையில் நடக்கிறது. படத்தின் இயக்குனர் அஷ்வின் சந்திரசேகர் தமிழ் நாட்டுக்காரர். இயக்குனர் பாண்டிராஜ் உதவியாளர். இந்த பட விழாவில் பிரபல தெலுங்கு ஹீரோ பிரபாஸ் தனது சென்னை அனுபவங்களை பேசியது வைரலானது. தமிழிலும் இந்த படம் ஓடிக்கொண்டு இருக்கிறது.

இயக்குனர் அஷ்வினிடம் பேசினோம். அவர் கூறியது, ‛‛எனக்கு சொந்த ஊர் கோவை. அப்பா தூர்தர்ஷனில் பணியாற்றியதால் லக்னோவில் வளர்ந்தேன். மீண்டும் சென்னை வந்தபோது சினிமா மீது ஆர்வம் வந்தது. இயக்குனர் பாண்டிராஜிடம் பசங்க 2, இது நம்ம ஆளு, கதகளி ஆகிய படங்களில் பணியாற்றினேன். பின்னர் சினிமா பண்ண ஆசைப்பட்டு ஒரு குறும்படம் பண்ணினேன். அந்த படத்தை பார்த்த ஹீரோ சந்தோஷ் ஷோபன் இந்த பட வாய்ப்பு கொடுத்தார். மிகப்பெரிய பட்ஜெட்டில் படங்களை தயாரிக்கும் யு.வி.நிறுவனம் படத்தை தயாரித்தது.

தெலுங்கு படமாக இருந்தாலும் சென்னைதான் கதைகளம் என்பதில் உறுதியாக இருந்தேன். அதை படக்குழுவும் ஒப்புக்கொண்டது. சென்னையின் நெரிசல் மிகுந்த இடங்களில் படப்பிடிப்பு நடத்தினோம். முதலில் ஹீரோ, ஹீரோயின் வைத்து ரிகர்சல் நடத்தி பக்காவாக படப்பிடிப்பு நடத்தினோம். புதுமுகங்கள் என்பதால் சில இடங்களில் குறும்படம், விளம்பர படம் என்று சொன்னோம். படம் பார்த்தவர்கள் சென்னை லொக்கேஷன் பற்றி குறிப்பிட்டு பேசினார்கள். அதற்கு ஒளிப்பதிவாளர் தினேசும் முக்கியமான காரணம். அவர் லப்பர் பந்து போன்ற படங்களில் பணியாற்றியவர். அதேபோல் என் குறும்படத்தில் பணியாற்றிய ஆதித்யா இசையமைப்பாளர். பெரிய கம்பெனி என்றாலும் என் கோரிக்கையை ஏற்றுக்கொண்டனர். பின்னனி இசை பாடல்கள் பாராட்டப்படுவது மகிழ்ச்சி.

தெலுங்கில் சென்னை உணர்வை அந்த தொடர்பை ஏற்றுக் கொண்டனர். பலருக்கு சென்னையுடன் படிப்பு சொந்தம் என நெருங்கிய தொடர்பு இருக்கிறது. அது படத்தை வெற்றி படமாக்கியது. சென்னை பற்றி இவ்வளவு நல்லபதிவை, இடங்களை தமிழ் படத்தில் கூட பாராட்டியது இல்லை என பலர் பாராட்டினார்கள். பிரபாஸ் சென்னை பாசத்தை பேசியது வைரலானது. படம் பார்த்து விட்டு என் குருநாதர் பாண்டிரஜும் பாராட்டினார்கள். அந்த ஹீரோயின் யார். பக்காவாக பொருந்தி இருக்கிறாரே என பலர் கேட்கிறார்கள். முதலில் 16 ஹீரோயினை தேடி இவரை கண்டுபிடித்தோம். மிஸ் இந்தியா பட்டம் பெற்றவர். ஹீரோ சந்தோஷ் தெலுங்கில் பிரபாஸ், திரிஷா நடித்து ஹிட்டான வர்சம் படத்தை இயக்கிய சோபனின் மகன் ஆவார்'' என்றார்.

• 
  ஆக்ஷன் மோட் ஆன் : துரந்தர் 2 டிரைலர் வெளியானது
• 
  வதந்திகளுக்கு முற்றுப்புள்ளி: 'துரந்தர்- 2' படத்தின் டிரைலர் நாளை ...
• 
  மூன்று வருடங்களுக்கு பிறகு மீண்டும் நடிப்புக்கு திரும்பிய ஐஸ்வர்யா ராய்
• 
  ஓய்வு பெற துடிக்கும் சூப்பர் ஹீரோ கதாபாத்திரத்தில் நடிக்கும் சல்மான் ...
• 
  ஸ்ரீதேவி நடித்த 'மாம்' படத்தின் 2ம் பாகம் படப்பிடிப்பு துவங்கியது

• 
  ஜனநாயகன் குறித்து மகிழ்ச்சியான செய்தி
• 
  திருமணத்திற்கு ஜோடியாக வந்ததற்கு பதிலடிதான் சங்கீதாவின் புதிய மனு ?
• 
  சிரஞ்சீவி, கமல் உள்ளிட்டோருக்கு 2025ன் தெலங்கானா மாநில சினிமா விருதுகள் ...
• 
  'மேட் இன் கொரியா' இயக்குனர் மனைவியின் கதை : பிரியங்கா மோகன்
• 
  இசையில் மட்டும்தான் கவனம்: நடிப்பு தகவலுக்கு முற்றுப்புள்ளி வைத்த சாய் ...