Dinamalar

2026 துவக்கத்திலேயே கயாடு லோகருக்கு அதிர்ச்சி தந்த 'பங்கி'

கடந்த வருடம் பிரதீப் ரங்கநாதன் நடிப்பில் வெளியான 'டிராகன்' படத்தில் அவருக்கு ஜோடியாக நடித்து ரசிகர்களிடம் மிகப்பெரிய வரவேற்பு பெற்றவர் நடிகை கயாடு லோகர். இதனைத் தொடர்ந்து இதற்கு முன் எந்த நடிகைகளுக்கும் கிடைக்காத வரவேற்பாக இந்த 2026ல் மட்டும் தற்போது தமிழ் மற்றும் மலையாளங்களில் தலா மூன்று படங்களிலும் தெலுங்கில் இரண்டு படங்களிலும் என எட்டு படங்களில் நடிக்கிறார் கயாடு லோகர். இதில் தெலுங்கில் அவர் விஸ்வக் சென் ஜோடியாக நடித்த 'பங்கி' திரைப்படம் கடந்த வெள்ளியன்று வெளியானது. சிவகார்த்திகேயன் நடித்த பிரின்ஸ் திரைப்படத்தை இயக்கிய இயக்குனர் கே.வி அனுதீப் தான் இந்த படத்தையும் இயக்கியுள்ளார்.

ஏற்கனவே கடந்த 2022ல் 'அல்லூரி' என்கிற படத்தில் கயாடு லோகர் நடித்திருந்தாலும் இந்த பங்கி திரைப்படம் தெலுங்கிலும் தனக்கு ஒரு நல்ல வரவேற்பை தரும் என எதிர்பார்த்தார். ஆனால் காதலர் தினத்தை முன்னிட்டு இந்த படம் வெளியாகியும் கூட ரசிகர்களிடம் வரவேற்பு பெற தவறியுள்ளது. இந்த வருடத்தில் தனது முதல் படமாக வெளியான இப்படம் தோல்வியை சந்தித்துள்ளது கயாடு லோகருக்கு வருத்தத்தை ஏற்படுத்தி உள்ளதாக சொல்லப்படுகிறது.

அதேசமயம் இந்த படத்துடன் வெளியான 'கபுள் பிரண்ட்லி' திரைப்படம் இளைஞர்களின் வரவேற்பை பெற்றுள்ளதுடன் அந்த படத்திற்கு சக்சஸ் மீட்டையும் கொண்டாடி விட்டனர் படக்குழுவினர்.

• 
  சாய் பல்லவி நடித்துள்ள ஏக் தின் ஹிந்தி படத்தின் டிரைலர் வெளியானது
• 
  மும்பை துப்பாக்கிச்சூடு சம்பவத்தை மையப்படுத்தி உருவாகும் படத்தில் ...
• 
  துரந்தர் பட ரசிகர்களுக்கு சர்ப்ரைஸ்
• 
  ரிலீஸாகி எட்டு மாதங்களுக்குப் பிறகு ஓடிடியில் வெளியாகும் சித்தாரே ஜமீன் ...
• 
  துரந்தர் படம் பாகிஸ்தான் ரசிகர்களுக்கும் பிடிக்கும் : ஆதித்யா தர்

• 
  காதல் கதையில் அர்ஜூன் தாஸ்
• 
  நடிகர் சங்க நிர்வாகிகள் பதவி நீட்டிப்புக்கு பதிவாளர் ஒப்புதல்: ...
• 
  பிளாஷ்பேக்: 3 ஹாலிவுட் படங்களை தழுவி உருவான 'நாடோடி மன்னன்'
• 
  பிளாஷ்பேக்: நிஜ ராணுவ முகாமில் எடுக்கப்பட்ட படம்
• 
  8 வார இடைவெளியில் ஓடிடி, தயாரிப்பாளர்கள் சம்மதிப்பார்களா?