Dinamalar

'3 பிஎச்கே' முதல் 'தம்முடு' வரை: இந்த வார ஓடிடி ரிலீஸ் என்னென்ன?

திரையரங்கில் வரவேற்பைப் பெற்று, பலரது கவனத்தையும் ஈர்த்த படம் முதல் இந்த வார ஓடிடி ரிலீஸ் பட்டியல் நீண்டுள்ளது.

3பிஎச்கே

நடிகர் சரத்குமார், சித்தார்த், நடிகை தேவயானி, சைத்ரா, மீதா ரகுநாத் உள்ளிட்டோர் நடித்து இயக்குநர் ஸ்ரீ கணேஷ் இயக்கத்தில் வெளிவந்த திரைப்படம் '3பிஎச்கே'. சாமானியனின் வீடு வாங்கும் கனவு நிறைவேறியதா, இல்லையா என்பதை அழகான திரைக்கதையுடன் வெளிவந்த இந்த படம் ரசிகர்களிடம் வரவேற்பைப் பெற்றது. இந்த படம் நாளை(ஆக.1ம் தேதி) அமேசான் ப்ரைம், சிம்ப்ளி சவுத் ஓடிடி தளத்தில் வெளியாகிறது.

கட்ஸ்

இயக்குநர் ரங்கராஜ் இயக்கத்தில், ஸ்ருதி நாராயணம் நடிப்பில் வெளிவந்த திரைப்படம் 'கட்ஸ்'. த்ரில்லர் கதையம்சத்துடன் வெளியான இந்த திரைப்படம் நாளை(ஆக.1ம் தேதி) டென்ட்கொட்டா ஓடிடி தளத்தில் வெளியாகிறது.

சக்ரவ்யூகம் - தி டிராப்

கொலை வழக்கைச் சுற்றி நடக்கும் சுவாரசிய சம்பவங்களை மையமாக வைத்து வெளிவந்த திரைப்படம் 'சக்ரவ்யூகம் - தி டிராப்'. இயக்குநர் சேத்குரி மதுசூதனன் இந்த படத்தை இயக்கி இருந்தார். இந்த திரைப்படம் ஆஹா ஓடிடி தளத்தில் நாளை(ஆக.1ம் தேதி) வெளியாகிறது.

சூப்பர் ஜிந்தகி (Super Zindagi)

காமெடி கதைக்களத்தைக் கொண்டு கடந்தாண்டு வெளியாகி வெற்றிபெற்ற மலையாள திரைப்படம் 'சூப்பர் ஜிந்தகி'. இந்த திரைப்படம் நாளை(ஆக.1ம் தேதி) மனோரமா மேக்ஸ் ஓடிடி தளத்தில் வெளியாகிறது.

சுரபில்லா சுந்தர சொப்னம் (Surabhila Sundara Swapnam)

மலையாள இயக்குநர் டானி மேத்யூ இயக்கத்தில் காமெடி, த்ரில்லர் கதையம்சத்தில் உருவான திரைப்படம் 'Surabhila Sundara Swapnam'. இந்த திரைப்படம் நாளை(ஆக.1ம் தேதி) சன் நெக்ஸ்ட் ஓடிடி தளத்தில் வெளியாகிறது.

பகாய்டி (Bakaiti)

இந்தி இயக்குநர் அமித் குப்தா இயக்கத்தில் வெளியான வெப் தொடர் 'பகாய்டி'. பொருளாதார சிக்கலில் இருக்கும் குடும்பம் அதை எவ்வாறு சமாளிக்கிறது என்பதைக் கதைக்களமாகக் கொண்டு இந்த வெப் தொடர் உருவாகியுள்ளது. இந்தி, தமிழ், கன்னடம் மொழிகளில் உருவான இந்த வெப் தொடர் நாளை(ஆக.1ம் தேதி) ஜீ5 ஓடிடி தளத்தில் வெளியாகிறது.

தேங்யூ டியர்

தெலுங்கு இயக்குநர் தொட்டா ஸ்ரீகாந்த் குமார் இயக்கத்தில் உருவான காதல் திரைப்படம் 'தேங் யூ டியர்'. இந்த திரைப்படம் ஈடிவி வின் ஓடிடி தளத்தில் ஆகஸ்ட் 3ம் தேதி வெளியாகிறது.

ஜின் (Jinn)

நடிகர் முகின் ராவ் நடிப்பில் தமிழில் வெளிவந்த திரைப்படம் 'ஜின்'(Jinn). நடிகை வடிவுக்கரசி, பால சரவணன், இமான் அண்ணாச்சி உள்ளிட்ட பலர் இந்த திரைப்படத்தில் நடித்துள்ளனர். இந்த திரைப்படம் நாள் சன் நெக்ஸ்ட் ஓடிடி தளத்தில் நாளை(ஆக.1ம் தேதி) வெளியாகிறது.

தம்முடு (Thammudu)

தெலுங்கில் தங்கை பாசத்தை மையமாக வைத்து வெளிவந்த ஆக்சன் திரைப்படம் 'தம்முடு'. இந்த திரைப்படம் நாளை(ஆக.1ம் தேதி) நெட்ப்ளிக்ஸ் ஓடிடி தளத்தில் வெளியாகிறது.

• 
  இரண்டு கைகளிலும் கடிகாரம் அணிவது ஏன் ? ; அபிஷேக் பச்சனின் அடடே விளக்கம்
• 
  ஏழு வருட இடைவெளிக்கு பிறகு வெளியாகும் அனுஷ்கா சர்மாவின் படம்
• 
  கத்ரினா கைப் - விக்கி கவுஷல் நட்சத்திர தம்பதிக்கு ஆண் குழந்தை பிறந்தது!
• 
  வெப் தொடரான கார்கில் போர்
• 
  மகேஷ்பாபுவின் கிண்டலுக்கு பிரியங்கா சோப்ரா பதில்

• 
  சிரஞ்சீவியிடம் பகிரங்கமாக மன்னிப்பு கேட்ட ராம்கோபால் வர்மா
• 
  பிளாஷ்பேக்: “பராசக்தி”க்கு முன் வெளிவர இருந்த சிவாஜியின் “பூங்கோதை”
• 
  அப்பா படத்தையடுத்து மகன் படத்தின் அப்டேட்
• 
  ‛ஜனநாயகன்' இசை வெளியீட்டு விழா உறுதி : எங்கே தெரியுமா?
• 
  மீண்டும் ‛டக்கர்' பட இயக்குனருடன் கைகோர்த்த சித்தார்த்!