தமிழில் தனது கடைசி படத்தில் நடித்த சரோஜா தேவி

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

14 ஜூலை, 2025 - 12:29 IST

எழுத்தின் அளவு:

மூத்த நடிகை சரோஜாதேவி இன்று பெங்களூருவில் காலமானார். கன்னட சினிமாவில் முதன் முதலில் அறிமுகமானாலும், அவர் தமிழில்தான் அதிகப் படங்களில் நடித்துள்ளார். எம்ஜிஆர், சிவாஜி, ஜெமினிகணேசன் என 60களின் முன்னணி நடிகர்களுடனும் மற்ற நடிகர்களுடனும் எண்ணற்ற படங்களில் நடித்துள்ளார்.

1967ல் திருமணம் செய்து கொண்ட பின்பும் தொடர்ந்து சினிமாவில் நடித்து வந்தார். 70 கால கட்டங்களில் அவர் நடித்த படங்களின் எண்ணிக்கை குறைவாகவே இருந்தது. வருடத்திற்கு ஓரிரு படங்களில் மட்டுமே நடித்துள்ளார்.

90 கால கட்டத்தில் சிவாஜிகணேசனுடன் 'பாரம்பரியம், ஒன்ஸ்மோர்' ஆகிய படங்களில் நடித்தார். அதில் 'ஒன்ஸ்மோர்' படத்தில் விஜய் தான் கதாநாயகன். 1997ல் வெளிவந்த அந்தப் படத்திற்குப் பிறகு 2009ல் சூர்யா நடித்த 'ஆதவன்' படத்தில் படம் முழுவதும் இடம் பெறும் முக்கிய கதாபாத்திரத்தில் நடித்தார். ஒரு முழுமையான கதாபாத்திரத்தில் அவர் நடித்த கடைசி படமாக அந்தப் படம் அமைந்தது. அதற்குப் பின் 2019ல் வெளிவந்த கன்னடப் படமான 'நடசார்வபவுமா' படத்தில் சிறப்புத் தோற்றத்தில் நடித்திருந்தார்.

1955ல் நடிகையாக அறிமுகமானவர் 2019 வரையில் 64 வருடங்கள் திரையில் அவரது பயணம் இருந்தது குறிப்பிடத்தக்கது.

Saroja Devi

Aadhavan

Suriya

Tamil Movie

கருத்துகள் (0) கருத்தைப் பதிவு செய்ய

‛வெள்ளி விழா' படங்களில் முத்திரை ...

'தாமரை நெஞ்சம்' ஒரு படம் போதுமே: ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய